Qazaqstan Respýblikasynyń Premer-Ministri Asqar Mamin Eni energetika kompaniiasynyń bas atqarýshy direktory Klaýdio Deskaltsimen kezdesý ótkizdi, dep habarlaidy primeminister.kz.
Eni kompaniiasy Qazaqstanda 1992 jyldan beri jumys istep keledi jáne Qazaqstan ekonomikasyna $15 mlrd astam investitsiia saldy.
Taraptar Qashaǵan jáne Qarashyǵanaq ken oryndarynda munai men kondensat óndirý deńgeiin arttyrý jáne ony saqtaý, sondai-aq Qazaqstan Respýblikasynyń aýmaǵynda jańartylatyn energiia kózderi jobalaryn damytý máselelerin talqylady.
QR Premer-Ministri Asqar Mamin Eni Qazaqstannyń mańyzdy investitsiialyq seriktesi ekenin atap ótip, kompaniianyń Qarashyǵanaq jáne Qashaǵan ken oryndaryn igerýge, sondai-aq Isatai jáne Abai ken oryndarynda barlaý jumystaryn júrgizýge qosqan úlesin atap ótti.
Eni kompaniiasy QR-daǵy energetikalyq kóshý jáne kómirteksizdendirý jobalaryna qomaqty úles qosýda. Osy baǵyt aiasynda birqatar birlesken joba júzege asyrylyp jatyr.
Aqtóbe oblysynda qýaty 100 MVt bolatyn jel elektr stantsiiasynyń qurylysy boiynsha joba iske asyrylýda jáne Túrkistan oblysynda qýaty 50 MVt bolatyn kún elektr stantsiiasynyń qurylysy aiaqtalýda.
Úkimet basshysynyń qatysýymen birqatar qujatqa qol qoiyldy.
«QazMunaiGaz» UK» AQ men Eni kompaniiasy arasynda elektr energiiasyn óndirý jáne iske asyrý úshin energetikalyq kóshý jobalaryn ázirleýdegi yntymaqtastyq týraly jáne QR-da aýyl sharýashylyǵy jáne sýtegi jobalaryn damytý týraly memorandýmdarǵa qol qoiyldy.
Ekologiia, geologiia jáne tabiǵi resýrstar ministrligi, «Qazgeologiia» AQ men Eni kompaniiasy arasynda QR aýmaǵynda jer qoinaýyn paidalaný jobalaryn birlesip iske asyrý máseleleri boiynsha yntymaqtastyq týraly memorandýmǵa qol qoiyldy.
