Aldyn ala derekter boiynsha, Qazaqstan men EAEO (Eýraziia ekonomikalyq odaǵy) elderi arasyndaǵy taýar ainalymy 2019 jyldyń qańtar-sáýir ailarynda 6 mlrd 125,8 mln AQSh dollaryn qurady. Bul 2018 jyldyń osy kezeńimen salystyrǵanda 0,1% artyq, dep habarlaidy QR Ulttyq ekonomika ministrliginiń Statistika komiteti.
Naqtylap aitqanda, esepti kezeńde Qazaqstan EAEO elderine 1 mlrd 865,3 mln dollaryna teń taýar eksporttaǵan. Bul 2018 jyldyń qańtar-sáýir ailaryndaǵy kórsetkishten 3,8%-ǵa az. Esesine import kólemi 1,9% artyp, 4 mlrd 260,5 mln dollarǵa jetken.
Qazaqstannyń EAEO elderimen syrtqy saýda ainalymynyń basym bóligi Resei Federatsiiasynyń úlesine týra keledi - 92,6%. Keiingi oryndarda Qyrǵyz Respýblikasy - 4,1%, Belarýs Respýblikasy- 3,2% jáne Armeniia Respýblikasy - 0,1% tur.
