Qazaqstan men Belarýs Prezidentteri telefon arqyly sóilesti, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev pen Aleksandr Lýkashenko Qazaqstan men Belarýs arasyndaǵy yntymaqtastyqty nyǵaitýdyń perspektivalaryn talqylady.
Memleket basshylary pandemiiadan keiingi kezeńde ekijaqty ekonomikalyq bailanystardyń joǵary qarqynyn saqtaýdyń mańyzdylyǵyn, sondai-aq, birlesken jańa jobalar men bastamalardy júzege asyrý qajet ekenin aitty.
Osyǵan bailanysty ózara saýda-sattyq kólemin ulǵaitý, eksporttalatyn taýar túrlerin ártaraptandyrý, eki eldiń biznesi men óńirleri arasyndaǵy tikelei qatynastardy jolǵa qoiý úshin úkimetterdiń yqpaldastyǵyn jandandyrýǵa daiyndyq máselesi naqtylandy.
Yntymaqtastyq jónindegi úkimetaralyq komissiianyń kezekti otyrysyn jýyq arada ótkizý týraly ýaǵdalastyqqa qol jetkizildi.
Taraptar COVID-19 pandemiiasymen kúresý úshin qabyldanyp jatqan sharalar, sonyń ishinde, eki el azamattaryn vaktsinalaýǵa qatysty is-qimyldar jaiynda aqparattarmen almasty.
Joǵary eýraziialyq ekonomikalyq keńestiń biylǵy mamyrda ótetin otyrysyn eskere otyryp, Qasym-Jomart Toqaev pen Aleksandr Lýkashenko kún tártibindegi negizgi integratsiialyq máselelerdi taǵy da bir márte pysyqtady.
Eki eldiń kóshbasshylary bir-birin aldaǵy kele jatqan mamyr merekelerimen quttyqtap, Qazaqstan men Belarýs halyqtarynyń berekeleri artyp, ósip-órkendei berýine shynaiy tilektestik bildirdi.
