قازاقستان مەن بەلارۋس پرەزيدەنتتەرٸ تەلەفون ارقىلى سٶيلەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ پەن الەكساندر لۋكاشەنكو قازاقستان مەن بەلارۋس اراسىنداعى ىنتىماقتاستىقتى نىعايتۋدىڭ پەرسپەكتيۆالارىن تالقىلادى.
مەملەكەت باسشىلارى پاندەمييادان كەيٸنگٸ كەزەڭدە ەكٸجاقتى ەكونوميكالىق بايلانىستاردىڭ جوعارى قارقىنىن ساقتاۋدىڭ ماڭىزدىلىعىن, سونداي-اق, بٸرلەسكەن جاڭا جوبالار مەن باستامالاردى جٷزەگە اسىرۋ قاجەت ەكەنٸن ايتتى.
وسىعان بايلانىستى ٶزارا ساۋدا-ساتتىق كٶلەمٸن ۇلعايتۋ, ەكسپورتتالاتىن تاۋار تٷرلەرٸن ەرتاراپتاندىرۋ, ەكٸ ەلدٸڭ بيزنەسٸ مەن ٶڭٸرلەرٸ اراسىنداعى تٸكەلەي قاتىناستاردى جولعا قويۋ ٷشٸن ٷكٸمەتتەردٸڭ ىقپالداستىعىن جانداندىرۋعا دايىندىق مەسەلەسٸ ناقتىلاندى.
ىنتىماقتاستىق جٶنٸندەگٸ ٷكٸمەتارالىق كوميسسييانىڭ كەزەكتٸ وتىرىسىن جۋىق ارادا ٶتكٸزۋ تۋرالى ۋاعدالاستىققا قول جەتكٸزٸلدٸ.
تاراپتار COVID-19 پاندەميياسىمەن كٷرەسۋ ٷشٸن قابىلدانىپ جاتقان شارالار, سونىڭ ٸشٸندە, ەكٸ ەل ازاماتتارىن ۆاكتسينالاۋعا قاتىستى ٸس-قيمىلدار جايىندا اقپاراتتارمەن الماستى.
جوعارى ەۋرازييالىق ەكونوميكالىق كەڭەستٸڭ بيىلعى مامىردا ٶتەتٸن وتىرىسىن ەسكەرە وتىرىپ, قاسىم-جومارت توقاەۆ پەن الەكساندر لۋكاشەنكو كٷن تەرتٸبٸندەگٸ نەگٸزگٸ ينتەگراتسييالىق مەسەلەلەردٸ تاعى دا بٸر مەرتە پىسىقتادى.
ەكٸ ەلدٸڭ كٶشباسشىلارى بٸر-بٸرٸن الداعى كەلە جاتقان مامىر مەرەكەلەرٸمەن قۇتتىقتاپ, قازاقستان مەن بەلارۋس حالىقتارىنىڭ بەرەكەلەرٸ ارتىپ, ٶسٸپ-ٶركەندەي بەرۋٸنە شىنايى تٸلەكتەستٸك بٸلدٸردٸ.
