Energetika ministri Nurlan Noǵaev pen Belarýs eliniń Syrtqy ister ministriniń birinshi orynbasary Aleksandr Gýrianov QR Úkimeti men BR Úkimeti arasyndaǵy Belarýs Respýblikasyna munai jáne munai ónimderin jetkizý salasyndaǵy kelisimge qol qoidy.
2014 jylǵy 29 mamyrdaǵy Eýraziialyq ekonomikalyq yntymaqtastyq týraly shartta aiqyndalǵan talaptarǵa bailanysty EAEO-ǵa múshe memleketter arasyndaǵy munai men munai ónimderiniń jetkizilimderi jekelegen ekijaqty kelisimdermen retteledi, dep habarlaidy QazAqparat QR Energetika ministrliginiń baspasóz qyzmetine silteme jasap.
Elder arasyndaǵy jemisti ózara is-qimyldy jáne Eýraziialyq ekonomikalyq integratsiia jolymen ilgerileýdi jalǵastyrý úshin búgin Munai salasyndaǵy saýda-ekonomikalyq yntymaqtastyqtyń úkimetaralyq kelisimine qol qoiyldy.
Kelisimde Belarýs Respýblikasyna munai jáne munai ónimderin jetkizý sharttary aiqyndalǵan.
Taraptardyń yntymaqtastyǵy ózara múddelerdi qorǵaýǵa negizdeledi.
Kelisimge qol qoiylǵannan keiin Taraptar Qazaqstan Respýblikasynyń ekonomikalyq múddelerin eskere otyryp, qazaqstandyq munai men munai ónimderiniń Belarýs Respýblikasyna jetkizilimderiniń áleýetti kólemin talqylaýǵa kirisedi.
