Foto: Erbolat Shardarov
Astanada «Qazaqstan – Ázerbaijan: Jasandy intellekt pen indýstriialdy bastamalardyń damýy jaǵdaiyndaǵy ekonomikalyq yntymaqtastyq» atty biznes-forým ótti. Is-sharaǵa eki eldiń memlekettik organdary men biznes ókilderi qatysty, dep habarlaidy Ult.kz.
Qazaqstan Respýblikasy Týrizm jáne sport ministrligi atynan quttyqtaý sóz sóilegen Týrizm indýstriiasy komitetiniń tóraǵasy Nurtas Káripbaev forýmnyń mańyzdylyǵyna toqtaldy.
«Kaspii teńizi búginde tek shekara ǵana emes, mádeniet, tabiǵat jáne innovatsiiany biriktiretin biryńǵai týristik keńistikke ainalyp keledi», — dedi N. Káripbaev.
Qazaqstan men Ázerbaijan Kaspii jaǵalaýyn qamtityn birlesken týristik marshrýtty damytýǵa nietti. Bul marshrýt ekotýrizmdi, mádeni-tanymdyq, emdeý-saýyqtyrý, gastronomiialyq baǵyttardy, sondai-aq oqiǵalyq týrizmdi qamtidy.
Salanyń tsifrlandyrylýyna erekshe nazar aýdarylýda. Elimizde týristiń virtýaldy kartasy engizildi. Al bolashaqta Kaspii aimaǵy boiynsha suranysty boljaýǵa jáne maýsymdylyqty basqarýǵa múmkindik beretin jasandy intellekt tehnologiialaryn qoldaný arqyly ortaq tsifrlyq keńistik qurý kózdelýde.
Forým aiasynda Ázerbaijan Respýblikasynyń Eksportty jáne investitsiiany ilgeriletý agenttigi (AZPROMO), Qazaqstan Respýblikasynyń Alakol Medical Tourism JShS jáne «Damý» kásipkerlikti damytý qory» AQ arasynda ózara túsinistik týraly memorandýmǵa qol qoiyldy.
Bul memorandým – Qazaqstan men Ázerbaijan arasyndaǵy týrizm salasyndaǵy ekijaqty yntymaqtastyqty keńeitý men ekonomikalyq bailanystardy nyǵaitý jolyndaǵy mańyzdy qadam.
