Qazaqstan men Aýstriia jan-jaqty saiasi yntymaqtastyqty damytýǵa, saýda-ekonomikalyq bailanystardyń áleýetin tolyǵymen iske asyrýǵa, sondai-aq halyqaralyq deńgeide tyǵyz jumys isteýge nietti.
Astanada ótken eki eldiń syrtqysaiasi vedomstvolary arasyndaǵy saiasi konsýltatsiialardyń negizgi oi ózegi osy boldy, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Sol kúni QR Syrtqy ister ministri Beibit Atamqulov Syrtqy ister ministriniń birinshi orynbasary - Aýstriia Respýblikasynyń Eýropa, integratsiia jáne syrtqy ister Federaldyq ministrliginiń Bas hatshysy Iohannes Peterlik basqarǵan aýstriialyq delegatsiiany qabyldady.
Suhbattastar saiasi, ekonomikalyq jáne mádeni-gýmanitarlyq yntymaqtastyqtyń keń aýqymdy máselelerin talqylap, uzaq merzimdi yntymaqtastyqty odan ári keńeitýge degen ózara qyzyǵýshylyqtaryn taǵy da rastady.
Qazaqstan tarapy Aýstriiamen senimdilikke negizdelgen saiasi dialogty keńeitýge qyzyǵýshylyq bildirdi. Aýstriianyń Syrtqy ister ministri Karin Knaisseldiń Qazaqstanǵa josparlanǵan sapary ekijaqty saiasi yntymaqtastyqty tereńdetýge kózdelgen mindetterge sai keledi. Qazaqstan Respýblikasy Parlament Májilisiniń Tóraǵasy Nurlan Nyǵmatýllinniń Aýstriiaǵa aqpandaǵy sapary parlamentaralyq bailanystyń jemistiligin rastaidy.
Kelissózderdiń basty taqyryby syrtqy saiasattyń ekonomikalyq quramdas bóligin kúsheitý mindetteriniń sheńberinde Qazaqstan men Aýstriianyń Syrtqy ister ministrlikteri arasyndaǵy yntymaqtastyqty jandandyrý boldy.
«Memleket basshysynyń Syrtqy ister ministrliginiń aldyna qoiǵan basty mindetterdiń biri - bizdiń elge investitsiialar men jańa tehnologiialardy tartý bolyp tabylady», - dedi B. Atamqulov kezdesýde.
Ekijaqty yntymaqtastyqtyń keleshegin talqylaý barysynda Aýstriia tarapy aýyl sharýashylyǵy kesheni, jasyl jáne tsifrlyq ekonomika, ónerkásip jáne infraqurylymdy damytý salasyndaǵy jobalardy birlesip iske asyrýǵa Qazaqstannyń qyzyǵýshylyǵy bar ekeninen habardar boldy.
Búgingi tańda Qazaqstanda aýstriialyq kapitaldyń qatysýymen 50-ge jýyq kásiporyndar jumys isteidi. 2005 jyldan beri qazaqstandyq ekonomikaǵa salynǵan aýstriialyq investitsiialar 5,7 mlrd. AQSh dollardan astam somany qurady.
Suhbattastar jańa investitsiialyq jobalardy júzege asyrý boiynsha odan da belsendirek birlesken jumystardy júrgizý jáne ekijaqty saýdany ulǵaitý múmkindikterin izdestirý týraly kelisti.
«Energiia tiimdiligi, jasyl ekonomika jáne jalpy saýda-sattyqty keńeitý salasyndaǵy ekijaqty qarym-qatynastardy nyǵaitý - ekijaqty kún tártibiniń orta jáne uzaq merzimdi keleshektegi basym mindetteri bolyp tabylady», - dedi I. Peterlik.
Sonymen qatar, ózekti aimaqtyq jáne halyqaralyq máseleler talqylandy, atap aitqanda Ortalyq Aziiadaǵy aimaqtyq yntymaqtastyq perspektivasy, «Beldeý men jol» atty Qytai bastamasy sheńberindegi yntymaqtastyq, Aýǵanstandaǵy jaǵdaidy turaqtandyrýǵa kómektesý, zańsyz migratsiiamen kúres jáne basqa da kún tártibindegi máseleler.
Syrtqy ister ministri suhbattasyn Elbasynyń eýraziialyq keńistigindegi keshendi yntymaqtastyqty qamtamasyz etýge baǵyttalǵan negizgi bitimgerlik bastamalarymen tanystyrdy, atap aitqanda Helsinki qorytyndy aktisin qabyldaýdyń 45-jyldyǵyna arnalǵan 2020 jyly Astanada Qaýipsizdik jáne yntymaqtastyq boiynsha halyqaralyq konferentsiia ótkizý týraly aitty.
Halyqaralyq qaýipsizdikti nyǵaitýdaǵy Qazaqstannyń jigerin basa aita otyryp, suhbattastar Elbasynyń AQSh-RF-QHR-EO basshylarynyń kezdesýin ótkizý týraly bastamasynyń ózektiligin atap ótti.
Taraptar Eýropalyq Odaq - Ortalyq Aziia formatynda syndarly jáne senimdi dialogty damytýdyń mańyzdylyǵyn rastady. Ministr Qazaqstannyń EO-men aimaqtyq formatta yntymaqtastyqty alǵa jyljytýdyń belsendi jaqtaýshysy ekenin atai otyryp, 2019 jyldyń birinshi jartysynda qabyldanýy josparlanyp otyrǵan Ortalyq Aziia boiynsha Eýropalyq Odaqtyń bolashaq jańa strategiiasyna airyqsha mán beretinin atap ótti.
