AQSh Saýda palatasy Qazaqstan men Amerika Qurama Shtattary arasyndaǵy saýda-ekonomikalyq yntymaqtastyqty odan ári keńeitý maqsatynda qazaqstandyq-amerikalyq iskerlik keńes (USKZBC) óz jumysyn bastaǵanyn resmi túrde jariialady. Bul jóninde Syrtqy ister ministrligi habarlady.
Iskerlik keńestiń basty missiiasy - AQSh Saýda palatasynyń keńeitilgen platformasy arqyly eki el arasyndaǵy ekonomikalyq bailanysty odan ári tereńdetý.
«Keńes tóraǵasynyń qyzmetin Qazaqstan ekonomikasyna eń iri investor bolyp tabylatyn Chevron kompaniiasy atqarady» deidi vedomstvonyń baspasóz qyzmeti.
Keńestiń hatshylyǵy vitse-prezident Hýsh Choksidiń jalpy basshylyǵymen AQSh Saýda palatasynyń arnaiy aýmaqtyq departamentinde ornalasady.
