Qazaqstandaǵy AQSh Elshiliginiń qoldaýymen AQSh-tyń Reseige qarsy sanktsiialarynyń Qazaqstan ekonomikasyna teris áserin azaitý úshin sanktsiialar máseleleri boiynsha qazaqstandyq-amerikalyq onlain konsýltatsiialary ótti, dep habarlaidy Syrtqy ister ministrliginiń baspasóz qyzmeti.
Qazaqstannyń atynan konsýltatsiialarǵa saýda-ekonomikalyq, qarjy, kólik, qorǵanys, energetika jáne aeroǵarysh salalaryna jaýapty múddeli memlekettik organdardyń, sondai-aq ulttyq kompaniialardyń ókilderi (80-ge jýyq qatysýshy) qatysty.
Amerikalyq tarap AQSh-tyń Reseige qarsy jaqynda engizilgen sanktsiialary týraly jáne saýda-ekonomikalyq, bank-qarjy jáne energetika salalaryndaǵy jańa sanktsiialar shekteýleriniń erekshelikteri týraly habardar etti. Qazaqstandyq qatysýshylarǵa sanktsiialar rejimi jaǵdaiynda seriktestermen yntymaqtastyqtyń túrli baǵyttary boiynsha túsiniktemeler berildi.
Kezdesý qorytyndysy boiynsha taraptar Qazaqstan ekonomikasy úshin AQSh-tyń sanktsiialyq saiasatynyń boljanbaǵan saldarlaryn boldyrmaý úshin konsýltatsiialardy jalǵastyrýǵa kelisti.
