Foto: Aqorda
Vashington qalasynda Qazaqstan Respýblikasynyń Prezidenti Qasym-Jomart Toqaevtyń qatysýymen Qazaqstan men Amerika Qurama Shtattary arasynda asa mańyzdy mineraldar salasyndaǵy yntymaqtastyq jónindegi ózara túsinistik týraly memorandýmǵa qol qoiyldy, dep habarlaidy Ult.kz.
Qujatqa Qazaqstan tarapynan Ónerkásip jáne qurylys ministri Ersaiyn Naǵaspaev, al AQSh tarapynan Saýda ministri Govard Latnik qol qoidy.
Memleket basshysynyń AQSh-qa resmi sapary Memlekettik hatshy Mark Rýbiomen, Saýda ministri Govard Latnikpen jáne AQSh Prezidentiniń Ońtústik jáne Ortalyq Aziiadaǵy arnaiy ókili Serdjio Gormen kezdesýden bastaldy.
Kezdesýde taraptar ekijaqty jáne óńirlik yntymaqtastyqtyń negizgi baǵyttaryn talqylady. Qasym-Jomart Toqaev Qazaqstan men AQSh arasyndaǵy ekonomikalyq yqpaldastyq jańa jumys oryndaryn ashýǵa, ónerkásip pen biznesti damytýǵa jol ashatynyn atap ótti.
Prezidenttiń aitýynsha, Qazaqstan AQSh-pen saiasi jáne ekonomikalyq deńgeide turaqty bailanys ornatyp, ózara senim men seriktestikti nyǵaitýǵa nietti.
«Bizdiń elderimiz arasyndaǵy yntymaqtastyq strategiialyq sipatqa ie. Bul memorandým – ózara tiimdi ekonomikalyq seriktestikti odan ári tereńdetýdiń naqty qadamy», – dedi Qasym-Jomart Toqaev.
Aita keteiik, mańyzdy mineraldar salasyndaǵy bul kelisim eki eldiń ónerkásiptik áleýetin arttyryp, energetika jáne «jasyl tehnologiialar» baǵyttarynda jańa jobalardy iske asyrýǵa múmkindik beredi.
