Qazaqstan men AQSh áýe qatynasy týraly kelisimge qol qoidy, – dep habarlaidy QR Indýstriia jáne infraqurylymdyq damý ministrligi.
«Elbasy men Qazaqstan Respýblikasy Prezidentiniń tapsyrmalaryn oryndaý maqsatynda Qazaqstan Respýblikasynyń Úkimeti men Amerika Qurama Shtattarynyń Úkimeti arasyndaǵy áýe qatynasy týraly kelisimge qol qoiyldy. Qazaqstannyń Úkimeti tarapynan kelisimge QR Indýstriia jáne infraqurylymdyq damý ministri Beibit Atamqulov, al Amerika Qurama Shtattarynyń Úkimeti tarapynan – AQSh-tyń Qazaqstandaǵy Tótenshe jáne Ókiletti Elshisi – Ýiliam H. Mozer qol qoidy» delingen habarlamada.
Osy Kelisim Halyqaralyq Azamattyq aviatsiia uiymynyń (ICAO) áýe kóligin odan ári liberalizatsiialaý jónindegi usynymdaryna sáikes «ashyq aspan» qaǵidattaryn kózdeitin Qazaqstan Respýblikasy úshin birinshi qujat.
Bul Qazaqstan men Amerika Qurama Shtattary arasynda ushýdy oryndaýdy josparlaityn tasymaldaýshylar úshin zor múmkindikter ashady. Kelisimniń aiasynda taraptardyń tasymaldaýshylaryna aýa erkindiginiń «besinshi dárejesi» berilip, mejeli mekenderdiń jáne jiilikterdiń sany boiynsha shekteý qoiylmaidy.
Kelisim eki el arasyndaǵy tikelei turaqty reisterdi oryndaý úshin quqyqtyq bazany qalyptastyryp, sondai-aq Qazaqstan men Amerika Qurama Shtattary arasyndaǵy strategiialyq áriptestikti odan ári damytýǵa yqpal etetin bolady.
Eki el arasyndaǵy tikelei reisterdiń ashylýy saiasi, ekonomikalyq, mádeni ózara qarym-qatynastar men týrizmdi damytýǵa, sondai-aq «Astana»halyqaralyq qarjy ortalyǵynyń kóliktik qoljetimdiligin arttyrýǵa yqpal etetin bolady.
