قازاقستان مەن اقش ەۋە قاتىناسى تۋرالى كەلٸسٸمگە قول قويدى, – دەپ حابارلايدى قر يندۋسترييا جەنە ينفراقۇرىلىمدىق دامۋ مينيسترلٸگٸ.
«ەلباسى مەن قازاقستان رەسپۋبليكاسى پرەزيدەنتٸنٸڭ تاپسىرمالارىن ورىنداۋ ماقساتىندا قازاقستان رەسپۋبليكاسىنىڭ ٷكٸمەتٸ مەن امەريكا قۇراما شتاتتارىنىڭ ٷكٸمەتٸ اراسىنداعى ەۋە قاتىناسى تۋرالى كەلٸسٸمگە قول قويىلدى. قازاقستاننىڭ ٷكٸمەتٸ تاراپىنان كەلٸسٸمگە قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ, ال امەريكا قۇراما شتاتتارىنىڭ ٷكٸمەتٸ تاراپىنان – اقش-تىڭ قازاقستانداعى تٶتەنشە جەنە ٶكٸلەتتٸ ەلشٸسٸ – ۋيليام ح. موزەر قول قويدى» دەلٸنگەن حابارلامادا.
وسى كەلٸسٸم حالىقارالىق ازاماتتىق اۆياتسييا ۇيىمىنىڭ (ICAO) ەۋە كٶلٸگٸن ودان ەرٸ ليبەراليزاتسييالاۋ جٶنٸندەگٸ ۇسىنىمدارىنا سەيكەس «اشىق اسپان» قاعيداتتارىن كٶزدەيتٸن قازاقستان رەسپۋبليكاسى ٷشٸن بٸرٸنشٸ قۇجات.
بۇل قازاقستان مەن امەريكا قۇراما شتاتتارى اراسىندا ۇشۋدى ورىنداۋدى جوسپارلايتىن تاسىمالداۋشىلار ٷشٸن زور مٷمكٸندٸكتەر اشادى. كەلٸسٸمنٸڭ اياسىندا تاراپتاردىڭ تاسىمالداۋشىلارىنا اۋا ەركٸندٸگٸنٸڭ «بەسٸنشٸ دەرەجەسٸ» بەرٸلٸپ, مەجەلٸ مەكەندەردٸڭ جەنە جيٸلٸكتەردٸڭ سانى بويىنشا شەكتەۋ قويىلمايدى.
كەلٸسٸم ەكٸ ەل اراسىنداعى تٸكەلەي تۇراقتى رەيستەردٸ ورىنداۋ ٷشٸن قۇقىقتىق بازانى قالىپتاستىرىپ, سونداي-اق قازاقستان مەن امەريكا قۇراما شتاتتارى اراسىنداعى ستراتەگييالىق ەرٸپتەستٸكتٸ ودان ەرٸ دامىتۋعا ىقپال ەتەتٸن بولادى.
ەكٸ ەل اراسىنداعى تٸكەلەي رەيستەردٸڭ اشىلۋى ساياسي, ەكونوميكالىق, مەدەني ٶزارا قارىم-قاتىناستار مەن تۋريزمدٸ دامىتۋعا, سونداي-اق «استانا»حالىقارالىق قارجى ورتالىعىنىڭ كٶلٸكتٸك قولجەتٸمدٸلٸگٸن ارتتىرۋعا ىقپال ەتەتٸن بولادى.
