Vashingtonda Qazaqstan Respýblikasy men Amerika Qurama Shtattary qorǵanys vedomstvolarynyń ókilderi arasynda ekijaqty qorǵanys keńesteri ótti, dep habarlaidy QR QM baspasóz qyzmeti.
Qazaqstannyń áskeri delegatsiiasyn Qazaqstan Respýblikasy Qorǵanys ministriniń orynbasary general-leitenant Talǵat Muhtarov basqardy.
Is-shara barysynda QR men AQSh arasyndaǵy áskeri yntymaqtastyqtyń aǵymdaǵy jáne perspektivalyq máseleleri talqylanyp, aldaǵy bes jyldyq kezeńge ózara is-qimyldyń baǵyttaryn aiqyndaityn 2018-2022 jyldarǵa arnalǵan áskeri yntymaqtastyqtyń kezekti bes jyldyq josparyna qol qoiyldy.
Odan basqa, sapar sheńberinde AQSh Qorǵanys ministrligi Ulttyq ulan biýrosy, AQSh armiiasy jáne AQSh Ulttyq qorǵanys ýniversitetiniń ókilderimen kezdesýler ótkizildi.
