Densaýlyq saqtaý ministrligi maimyl sheshegin diagnostikalaý úshin PTR-synamasyn satyp alǵanyn jariialap, ony kimder qoldana alatynyn aitty, - dep habarlaidy Tengrinews.kz agenttigi.
"Rasynda, bir aidan asa ýaqyt buryn "Rospotrebnadzordaǵy" áriptesterimizden maimyl sheshegi diagnostikasy úshin PTR test-júielerin aldyq. Búginde búkil álemde maimyl shesheginiń diagnozy PTR-synama negizinde zerthanalyq túrde júrgiziledi. Maimyl sheshegine tán klinikalyq kórinis qandai ekenin eskere otyryp, klinikalyq kórinis baiqalmasa, kelip synama tapsyrǵysy keletinderge test jasalmaidy", - dedi Densaýlyq saqtaý vitse-ministri - Qazaqstannyń bas sanitariia dárigeri Aijan Esmaǵambetova OKQ brifinginde jýrnalister suraǵyna jaýap berip.
Onyń aitýynsha, diagnostika maimyl sheshegine tán klinikalyq kórinister bolǵan jaǵdaida ǵana júrgiziledi. Eń aldymen, bul temperatýranyń kóterilýi, erekshe bórtpelerdiń paida bolýy.
"Aýrýdyń negizgi belgisi - bórtpeler. Sondyqtan kez kelgen juqpaly aýrýlar dárigeri patsientten bórtpelerdiń qalai paida bolǵanyn, qalai órshigenin suraidy. Árine, sońǵy úsh aptada maimyl sheshegi tirkelgen elge baryp-barmaǵany suralady. Bul diagnoz qoiýǵa negiz bolady", - dedi ol.
Dúniejúzilik densaýlyq saqtaý uiymy maimyl sheshegi aýrýyn densaýlyq saqtaý salasyndaǵy tótenshe jaǵdai dep jariialady.
Esmaǵambetova qazir juqtyrý qaýpi joǵary elder qataryna Eýropa jatatynyn, al Qazaqstanda aýrýdyń taralý qaýpi tómen ekenin aitty.
"Vaktsinatsiiaǵa keletin bolsaq, bárimiz sheshek aýrýyna qarsy vaktsinany 1980 jylǵa deiin aldyq. Bul bir-birimen tyǵyz bailanysty virýstar jáne ǵalymdardyń pikirinshe, sheshekke qarsy vaktsina alǵan árbir adam maimyl shesheginen qorǵalǵan dep sanalady. Mundai adamdarda infektsiia bolǵan jaǵdaida aýrý jeńilirek ótedi.
Búkil halyqty maimyl sheshegine qarsy vaktsinatsiialaýǵa qatysty DDSU-nyń naqty usynystary bar. Búkil halyqty vaktsinatsiialaýdyń qajeti joq, óitkeni virýstyń berilýi óte jaqyn fizikalyq bailanys arqyly júredi, sáikesinshe ol qoǵamda tez taralmaidy. Jaqyn qarym-qatynasta bolǵandardy vaktsinalaýǵa bolady - bul sheshek aýrýymen aýyratyndar jáne aýyratyn naýqastarǵa meditsinalyq kómek kórsetetin meditsina qyzmetkerleri, úide bailanysta bolǵandar", - dep qosty vitse-ministr.
