QR Premer-Ministri Asqar Maminniń tóraǵalyǵymen ótken Úkimet otyrysynda Qazaqstannyń halyqaralyq reitingterdegi pozitsiialaryn jaqsartý sharalary qaraldy, dep habarlaidy "Ult aqparat".
QR Bilim jáne ǵylym ministri Ashat Aimaǵambetov orta bilim berýde Qazaqstannyń 5 salystyrmaly zertteýlerge qatysatynyn aitty, olardyń negizgileri - PISA (Programme for International Student Assessment), TIMSS (Trends in International Mathematics and Science Study), PIRLS (Progress in International Reading Literacy Study) zertteýleri.
«PIRLS zertteýinde biz mátindi túsiný jáne oqý saýattylyǵy boiynsha 27-shi oryndamyz. TIMSS-ta matematika jáne jaratylystaný pánderi boiynsha akademiialyq bilimde úzdikter ishindemiz jáne 10 jetekshi eldiń qataryna kirdik», — dedi bilim jáne ǵylym ministri.
Oqýshylardy alǵan bilimderin qoldanýǵa úiretý úshin 2016 jyldan bastap mektepterde syni oilaý men daǵdylardy damytýǵa baǵyttalǵan jańartylǵan mazmun engizilýde.
Jahandyq básekege qabilettilik indeksinde Ministrlikke 8 indikator bekitilgen. Reitingke 140 el qatysady.
«Olardyń ishinde «kásiptik-tehnikalyq bilim berý sapasy» boiynsha 2017 jylmen salystyrǵanda 11 pozitsiiaǵa (102-den 92-orynǵa), «oqytýdaǵy syni oilaý» boiynsha 1 pozitsiiaǵa (46-dan 45-shi orynǵa) jaqsardy. «Kútiletin bilim berý uzaqtyǵy» (53 oryn) jáne «jariialanymdardyń dáieksózdiligi» (110 oryn) boiynsha aldyńǵy kórsetkishter saqtaldy», — dedi A. Aimaǵambetov.
Munda «bilim berýdiń ortasha uzaqtyǵy» (1 pozitsiiaǵa 39-dan 40-orynǵa), «bastaýysh synyptardaǵy oqýshylar men muǵalimderdiń araqatynasy» (23 pozitsiiaǵa, 50-den 73-orynǵa), «túlekterdiń daǵdylary» (7 pozitsiiaǵa, 86-dan 93-orynǵa) jáne «zertteý institýttarynyń sapasy» (1 pozitsiiaǵa, 83-ten 84-orynǵa) boiynsha pozitsiialardyń tómendeýi baiqalady.
Joǵary bilim berýdegi negizgi reitingter - QS World University Rankings jáne Times Higher Education.
Ministrdiń aitýynsha, QS-de Qazaqstanda oń dinamika bar, 2011 jyly reitingte 5 joǵary oqý orny, 2019 jyly - 10 ýniversitet atap ótildi. Reitingte qazaqstandyq joǵary oqý oryndary arasynda kóshbasshy oryndy ál-Farabi atyndaǵy QazUÝ ielendi - 207 oryn (top-300). Úzdik 500 qataryna 2 ýniversitet kirdi: L. Gýmilev atyndaǵy EUÝ (418), M. Áýezov atyndaǵy OQMÝ (491).
Soynmen qatar, 2018 jyly alǵash ret Times Higher Education reitingtik basylymymen 2 qazaqstandyq JOO (ál-Farabi atyndaǵy QazUÝ, Gýmilev atyndaǵy EUÝ) tanyldy.
Jalpy alǵanda, bilim jáne ǵylym ministri sendirgendei, bilim men ǵylymnyń sapasyn, qoljetimdiligin jaqsartý boiynsha Qazaqstannyń halyqaralyq reitingterdegi ustanymdaryn arttyrý jónindegi jumys Bilim men ǵylymdy damytýdyń memlekettik baǵdarlamasy jáne basqa da júieli sharalar sheńberinde jalǵasatyn bolady.
