قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا قازاقستاننىڭ حالىقارالىق رەيتينگتەردەگٸ پوزيتسييالارىن جاقسارتۋ شارالارى قارالدى, دەپ حابارلايدى "ۇلت اقپارات".
قر بٸلٸم جەنە عىلىم مينيسترٸ اسحات ايماعامبەتوۆ ورتا بٸلٸم بەرۋدە قازاقستاننىڭ 5 سالىستىرمالى زەرتتەۋلەرگە قاتىساتىنىن ايتتى, ولاردىڭ نەگٸزگٸلەرٸ - PISA (Programme for International Student Assessment), TIMSS (Trends in International Mathematics and Science Study), PIRLS (Progress in International Reading Literacy Study) زەرتتەۋلەرٸ.
«PIRLS زەرتتەۋٸندە بٸز مەتٸندٸ تٷسٸنۋ جەنە وقۋ ساۋاتتىلىعى بويىنشا 27-شٸ ورىندامىز. TIMSS-تا ماتەماتيكا جەنە جاراتىلىستانۋ پەندەرٸ بويىنشا اكادەمييالىق بٸلٸمدە ٷزدٸكتەر ٸشٸندەمٸز جەنە 10 جەتەكشٸ ەلدٸڭ قاتارىنا كٸردٸك», — دەدٸ بٸلٸم جەنە عىلىم مينيسترٸ.
وقۋشىلاردى العان بٸلٸمدەرٸن قولدانۋعا ٷيرەتۋ ٷشٸن 2016 جىلدان باستاپ مەكتەپتەردە سىني ويلاۋ مەن داعدىلاردى دامىتۋعا باعىتتالعان جاڭارتىلعان مازمۇن ەنگٸزٸلۋدە.
جاھاندىق بەسەكەگە قابٸلەتتٸلٸك يندەكسٸندە مينيسترلٸككە 8 ينديكاتور بەكٸتٸلگەن. رەيتينگكە 140 ەل قاتىسادى.
«ولاردىڭ ٸشٸندە «كەسٸپتٸك-تەحنيكالىق بٸلٸم بەرۋ ساپاسى» بويىنشا 2017 جىلمەن سالىستىرعاندا 11 پوزيتسيياعا (102-دەن 92-ورىنعا), «وقىتۋداعى سىني ويلاۋ» بويىنشا 1 پوزيتسيياعا (46-دان 45-شٸ ورىنعا) جاقساردى. «كٷتٸلەتٸن بٸلٸم بەرۋ ۇزاقتىعى» (53 ورىن) جەنە «جارييالانىمداردىڭ دەيەكسٶزدٸلٸگٸ» (110 ورىن) بويىنشا الدىڭعى كٶرسەتكٸشتەر ساقتالدى», — دەدٸ ا. ايماعامبەتوۆ.
مۇندا «بٸلٸم بەرۋدٸڭ ورتاشا ۇزاقتىعى» (1 پوزيتسيياعا 39-دان 40-ورىنعا), «باستاۋىش سىنىپتارداعى وقۋشىلار مەن مۇعالٸمدەردٸڭ اراقاتىناسى» (23 پوزيتسيياعا, 50-دەن 73-ورىنعا), «تٷلەكتەردٸڭ داعدىلارى» (7 پوزيتسيياعا, 86-دان 93-ورىنعا) جەنە «زەرتتەۋ ينستيتۋتتارىنىڭ ساپاسى» (1 پوزيتسيياعا, 83-تەن 84-ورىنعا) بويىنشا پوزيتسييالاردىڭ تٶمەندەۋٸ بايقالادى.
جوعارى بٸلٸم بەرۋدەگٸ نەگٸزگٸ رەيتينگتەر - QS World University Rankings جەنە Times Higher Education.
مينيستردٸڭ ايتۋىنشا, QS-دە قازاقستاندا وڭ ديناميكا بار, 2011 جىلى رەيتينگتە 5 جوعارى وقۋ ورنى, 2019 جىلى - 10 ۋنيۆەرسيتەت اتاپ ٶتٸلدٸ. رەيتينگتە قازاقستاندىق جوعارى وقۋ ورىندارى اراسىندا كٶشباسشى ورىندى ەل-فارابي اتىنداعى قازۇۋ يەلەندٸ - 207 ورىن (توپ-300). ٷزدٸك 500 قاتارىنا 2 ۋنيۆەرسيتەت كٸردٸ: ل. گۋميلەۆ اتىنداعى ەۇۋ (418), م. ەۋەزوۆ اتىنداعى وقمۋ (491).
سوىنمەن قاتار, 2018 جىلى العاش رەت Times Higher Education رەيتينگتٸك باسىلىمىمەن 2 قازاقستاندىق جوو (ەل-فارابي اتىنداعى قازۇۋ, گۋميلەۆ اتىنداعى ەۇۋ) تانىلدى.
جالپى العاندا, بٸلٸم جەنە عىلىم مينيسترٸ سەندٸرگەندەي, بٸلٸم مەن عىلىمنىڭ ساپاسىن, قولجەتٸمدٸلٸگٸن جاقسارتۋ بويىنشا قازاقستاننىڭ حالىقارالىق رەيتينگتەردەگٸ ۇستانىمدارىن ارتتىرۋ جٶنٸندەگٸ جۇمىس بٸلٸم مەن عىلىمدى دامىتۋدىڭ مەملەكەتتٸك باعدارلاماسى جەنە باسقا دا جٷيەلٸ شارالار شەڭبەرٸندە جالعاساتىن بولادى.
