1-3 qazan aralyǵynda Qazaqstan-Qytai shekarasyndaǵy avtomobil ótkizý beketteri jumys istemeidi. Bul týraly Memlekettik kirister komiteti habarlady.
"Memlekettik kirister komiteti, Qytai Halyq Respýblikasynyń qurylǵan kúnin merekeleýge bailanysty 2022 jylǵy 1-3 qazan aralyǵynda Qazaqstan-Qytai shekarasyndaǵy avtomobil ótkizý pýnktterinde adamdardy, kólik quraldary men júkterdi ótkizý júrgizilmeitinin habarlaidy", - delingen habarlamada.
Qazaqstan-Qytai shekarasyndaǵy temirjol beketteri ádettegidei jumysyn jalǵastyratyny atap ótildi.
Tasymaldaýshylar men shekarany kesip ótkisi keletin kez kelgen adamǵa engizilgen shekteýlerdi eskere otyryp, óz baǵytyn aldyn ala josparlaý suralady.
