Qazaqstan Respýblikasynyń Syrtqy ister ministrligi eksporttyq taýarlary bar kólikterdi Qytai aýmaǵyna ótkizýge shekteýge qatysty QHR-men kelissózder júrgizýde, dep habarlaidy "Ult aqparat".
QR Qarjy ministrligi Memlekettik kirister komitetinen málim etkendei, pandemiia bastalǵaly Qytai Qazaqstannan kiretin kólikter sanyn shektedi.
«Buryn «Nur Joly» baqylaý-ótkizý pýnkti arqyly Qytai tarapyna kúnine 200-den astam kólik qatynap kelse, pandemiia bastalǵannan beri bul san kúnine 20-30 kólikke deiin tómendedi», - dedi komitetten.
Atap ótilgendei, bul máseleni sheshý úshin Qytai tarapymen kelissózder júrgizilip, nátijesinde táýligine 80 kólikke deiin ótkizile bastady.
«Alaida biylǵy 10 qarashadan bastap Qytai qazaqstandyq taraptan qabyldanatyn kólikterdiń sanyn shektedi. Al eksporttyq taýarlary bar kólikter múldem ótkizilmeidi. Máselen, aǵymdaǵy jyldyń 26 qarashasynda Qytai tarapy «Evrootranzit» kóliktik-logistikalyq ortalyq aýmaǵynda qazaqstandyq kólikterge tielgen júkteri bar 7 tirkeme ǵana shyǵardy. Osyǵan bailanysty, máseleni sheshý úshin Qazaqstan Respýblikasynyń Syrtqy ister ministrligi QHR ýákiletti organdarymen kelissózderdi jalǵastyrýda», - dedi QR Qarjy ministrligi Memlekettik kirister komitetinen.
