قازاقستان رەسپۋبليكاسىنىڭ سىرتقى ٸستەر مينيسترلٸگٸ ەكسپورتتىق تاۋارلارى بار كٶلٸكتەردٸ قىتاي اۋماعىنا ٶتكٸزۋگە شەكتەۋگە قاتىستى قحر-مەن كەلٸسسٶزدەر جٷرگٸزۋدە, دەپ حابارلايدى "ۇلت اقپارات".
قر قارجى مينيسترلٸگٸ مەملەكەتتٸك كٸرٸستەر كوميتەتٸنەن مەلٸم ەتكەندەي, پاندەمييا باستالعالى قىتاي قازاقستاننان كٸرەتٸن كٶلٸكتەر سانىن شەكتەدٸ.
«بۇرىن «نۇر جولى» باقىلاۋ-ٶتكٸزۋ پۋنكتٸ ارقىلى قىتاي تاراپىنا كٷنٸنە 200-دەن استام كٶلٸك قاتىناپ كەلسە, پاندەمييا باستالعاننان بەرٸ بۇل سان كٷنٸنە 20-30 كٶلٸككە دەيٸن تٶمەندەدٸ», - دەدٸ كوميتەتتەن.
اتاپ ٶتٸلگەندەي, بۇل مەسەلەنٸ شەشۋ ٷشٸن قىتاي تاراپىمەن كەلٸسسٶزدەر جٷرگٸزٸلٸپ, نەتيجەسٸندە تەۋلٸگٸنە 80 كٶلٸككە دەيٸن ٶتكٸزٸلە باستادى.
«الايدا بيىلعى 10 قاراشادان باستاپ قىتاي قازاقستاندىق تاراپتان قابىلداناتىن كٶلٸكتەردٸڭ سانىن شەكتەدٸ. ال ەكسپورتتىق تاۋارلارى بار كٶلٸكتەر مٷلدەم ٶتكٸزٸلمەيدٸ. مەسەلەن, اعىمداعى جىلدىڭ 26 قاراشاسىندا قىتاي تاراپى «ەۆرووترانزيت» كٶلٸكتٸك-لوگيستيكالىق ورتالىق اۋماعىندا قازاقستاندىق كٶلٸكتەرگە تيەلگەن جٷكتەرٸ بار 7 تٸركەمە عانا شىعاردى. وسىعان بايلانىستى, مەسەلەنٸ شەشۋ ٷشٸن قازاقستان رەسپۋبليكاسىنىڭ سىرتقى ٸستەر مينيسترلٸگٸ قحر ۋەكٸلەتتٸ ورگاندارىمەن كەلٸسسٶزدەردٸ جالعاستىرۋدا», - دەدٸ قر قارجى مينيسترلٸگٸ مەملەكەتتٸك كٸرٸستەر كوميتەتٸنەن.
