Qytai tarapynyń «Dýan-Ý» (aidahar qaiyqtary meiramy) merekesin toilaýyna bailanysty eki eldiń shekarasyndaǵy ótkizý pýnktteri ýaqytsha jabyldy, dep habarlaidy "Ult aqparat" QR UQK baspasóz qyzmetine silteme jasap.
Qazaqstan Respýblikasynyń Úkimeti men Qytai Halyq Respýblikasynyń Úkimeti arasyndaǵy qazaqstan-qytai memlekettik shekarasy arqyly ótkizý pýnktteri týraly kelisimniń negizinde 14 maýsymnan bastap «Nur Joly» jáne «Dostyq» avtomobil ótkizý pýnktteri jumys istemeidi.
«Qazirgi ýaqytta Qazaqstan-Qytai shekarasynda 2 temirjol ótkizý pýnkti («Dostyq» jáne «Altynkól») jáne 3 avtomobil («Nur Joly», «Dostyq», «Baqty») ótkizý pýnkti jumys isteitinin, olar arqyly jalǵasyp otyrǵan karantindik shekteýlerge bailanysty tek júkter men taýarlardy ótkizý júzege asyrylatynyn eske salamyz.
Kórsetilgen ótkizý pýnktteri arqyly júk kólik quraldarynyń qozǵalys baǵdarlaryn aldyn ala túzetý úshin habarlaimyz», delingen UQK baspasóz qyzmetiniń habarlamasynda.
