قىتاي تاراپىنىڭ «دۋان-ۋ» (ايداھار قايىقتارى مەيرامى) مەرەكەسٸن تويلاۋىنا بايلانىستى ەكٸ ەلدٸڭ شەكاراسىنداعى ٶتكٸزۋ پۋنكتتەرٸ ۋاقىتشا جابىلدى, دەپ حابارلايدى "ۇلت اقپارات" قر ۇقك باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسىنىڭ ٷكٸمەتٸ مەن قىتاي حالىق رەسپۋبليكاسىنىڭ ٷكٸمەتٸ اراسىنداعى قازاقستان-قىتاي مەملەكەتتٸك شەكاراسى ارقىلى ٶتكٸزۋ پۋنكتتەرٸ تۋرالى كەلٸسٸمنٸڭ نەگٸزٸندە 14 ماۋسىمنان باستاپ «نۇر جولى» جەنە «دوستىق» اۆتوموبيل ٶتكٸزۋ پۋنكتتەرٸ جۇمىس ٸستەمەيدٸ.
«قازٸرگٸ ۋاقىتتا قازاقستان-قىتاي شەكاراسىندا 2 تەمٸرجول ٶتكٸزۋ پۋنكتٸ («دوستىق» جەنە «التىنكٶل») جەنە 3 اۆتوموبيل («نۇر جولى», «دوستىق», «باقتى») ٶتكٸزۋ پۋنكتٸ جۇمىس ٸستەيتٸنٸن, ولار ارقىلى جالعاسىپ وتىرعان كارانتيندٸك شەكتەۋلەرگە بايلانىستى تەك جٷكتەر مەن تاۋارلاردى ٶتكٸزۋ جٷزەگە اسىرىلاتىنىن ەسكە سالامىز.
كٶرسەتٸلگەن ٶتكٸزۋ پۋنكتتەرٸ ارقىلى جٷك كٶلٸك قۇرالدارىنىڭ قوزعالىس باعدارلارىن الدىن الا تٷزەتۋ ٷشٸن حابارلايمىز», دەلٸنگەن ۇقك باسپاسٶز قىزمەتٸنٸڭ حابارلاماسىندا.
