«Qazaqstan Ulttyq Olimpiada komitetiniń Bas hatshysy Andrei Kriýkov aqpan aiynda ótetin XXIV Qysqy Olimpiada oiyndaryna qansha qarajat bólingenin aitty, dep habarlaidy QazAqparat.
«Beijiń Olimpiadasyna 250 mln teńgege jýyq qarajat bólý josparlanǵan. Alaida, budan da az soma – 220 mln teńge jumsalýy múmkin, óitkeni uiymdastyrýshylar delegatsiialardaǵy qatysýshylar sanyn qysqartyp jatyr», - dep túsindirdi Andrei Kriýkov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, jazǵy Olimpiada qorytyndysy boiynsha sybailas jemqorlyqqa qatysty júrgizilgen tekserýler UOK jumysynda qarajatty jymqyrý, maqsatsyz paidalaný jáne osyǵan uqsas oqiǵalar bolmaǵanyn kórsetti.
«Keibir protsedýralyq buzýshylyqtar bar jáne biýrokratiialyq tustar anyqtaldy jáne sybailas jemqorlyq syn-qaterlerin boldyrmaý úshin barlyǵy retteldi», - dedi Kriýkov.
