Qazaqstannyń saýda jáne integratsiia ministrligi Eýraziialyq ekonomikalyq komissiiaǵa ótinish bildirdi. Vedomstvo Eýraziialyq ekonomikalyq odaq aiasynda qyrǵyzstandyq taraptyń taýar baqylaý baǵasynyń minimaldy deńgeiin engizýine qatysty máseleni qaita qaraýdy surap otyr.
Eýraziialyq ekonomikalyq komissiiadan bólek, dál osyndai ótinish Dúniejúzilik saýda uiymynyń hatshylyǵyna da joldandy.
"Qazaqstandyq jáne ózge de odaqqa múshe elder taýaryna qatysty baqylaý baǵasynyń eń tómengi deńgeiin engizý arqyly Qyrǵyzstan biligi qosymsha tólemderdi bekitip otyr", - dedi Qazaqstannyń saýda jáne integratsiia ministrliginiń ókilderi.
Ministrliktiń aqparatyna sáikes, qazaqstandyq taýar óndirýshi Bishkekke ortasha baǵasy kelisine 17 somǵa un jetkizse, kórshi eldiń salyq qyzmeti qosymsha qun salyǵyn alady. Sonda baqylaý baǵasynyń minimaldy deńgeiin eseptegende kelisine 22 som shyǵady. Ózge taýarlarǵa qatysty da osyndai ádis qoldanylady. Máselen, kóktem-jaz kezinde jumyrtqanyń quny - 2 som, al bekitilgen minimaldy kórsetkish - 4,9 som.
"Minimaldy baǵany anyqtaý tártibi ashyq emes. Qyrǵyzstan úkimetiniń mundai ádisti engizýine negiz joq", - dep sanaidy qazaqstandyq vedomstvodaǵylar.
Ministrlikte bul jańashyldyq, negizinen, un, qant, kúrish, jumyrtqa, syra, kómir jáne tsementke qatysty qoldanylatynyn jetkizdi.
