Qyrǵyz Respýblikasyndaǵy tabiǵi-klimattyq jaǵdailarǵa bailanysty Qazaqstan Úkimeti kórshi memleketke gýmanitarlyq kómek kórsetý týraly sheshim shyǵardy, - dep habarlaidy "Ult aqparat" kaz.tengrinews.kz portalyna silteme jasap.
Bul týraly QR Úkimetiniń 2017 jyldyń 9 qazanyndaǵy "Qyrǵyz Respýbliksyna resmi túrde gýmanitarlyq kómek kórsetý" týraly № 632 qaýlysynda aitylady.
Qyrǵyz Respýblikasyna resmi túrde kómek kórsetý maqsatynda memlekettik materialdyq rezervten materialdyq qundylyqtardy bronnan ajyratý tapsyryldy. Gýmanitarlyq kómektiń ishinde kesilgen taqtai, metallprokat jáne aǵashtan jasalǵan baǵanalar bar.
"QR Syrty ister ministrligine gýmanitarlyq kómekti qabyldaityn adamdy anyqtap, kómekti jetkizý máselesin úilestirý tapsyryldy. QR Investitsiialar jáne damý ministrligine gýmanitarlyq kómekti der kezinde tiis jerge Qyrǵyz Respýblikasyna jetkizýge qatysty máseleni sheshý tapsyryldy", - delinengen qaýlyda.
Óz kezeginde Qorǵanys jáne aeroǵarysh ónerkásibi, Qarjy jáne Investitsiialar jáne damý ministrligine osy qaýlydaǵy sharalardy qolǵa alý tapsyryldy.
