Parlament Senatynda Qyrǵyzstanǵa áskeri-tehnikalyq kómek kórsetý týraly kelisim ratifikatsiialandy, dep habarlaidy QazAqparat.
Buǵan deiin Májilis «Qazaqstan Respýblikasynyń Úkimeti men Qyrǵyz Respýblikasynyń Ministrler Kabineti arasyndaǵy Ortalyq Aziia óńiriniń qaýipsizdigin qamtamasyz etýde áskeri-tehnikalyq járdem kórsetý kelisimin ratifikatsiialaý týraly» zań jobasyn maquldaǵan edi.
«Kelisimge 2021 jylǵy 7 jeltoqsanda Joǵarǵy Bas Qolbasshynyń tapsyrmasymen Qyrǵyzstan tarapynan áskeri-tehnikalyq kómek kórsetý týraly suraýyn iske asyrý maqsatynda qol qoiyldy. Kelisim boiynsha áskeri múlik bir márte beriledi. Onyń ataýy men kólemi diplomatiialyq arna arqyly kelisildi. Qazaqstan tarapy múlikti Qyrǵyzstannyń Qoitash eldimekenine deiin avtokólikpen jetkizedi. Shyǵyndy ózi kóteredi. Qyrǵyzstan tarapy alǵan múlikti tek qaýipsizdikti qamtamasyz etý úshin paidalana alady, úshinshi tarapqa bermeidi. TMD qatysýshy memleketterge qarsy qoldanbaidy. Ortalyq Aziiaǵa irgeles aýmaqta shielenis bolǵanda, óńirlik qaýipsizdikke syn-qater tóngen jaǵdaida áskeri-tehnikalyq kómek kórsetý Qyrǵyzstan qarýly kúshteriniń oǵan toitarys berýine, Ortalyq Aziia óńiriniń qaýipsizdigin nyǵaitýǵa múmkindik beredi», - dedi QR Qorǵanys ministriniń orynbasary Sultan Qamaletdinov Senat otyrysynda.
Onyń aitýynsha, áskeri múlik tizimi anyqtaldy, ol diplomatiialyq arna arqyly kelisildi.
Onyń ishinde qarý-jaraq, oq-dári, baqylaý jáne barlaý jabdyqtary bar.
«Qazirgi ýaqytta áskeri-tehnikalyq kómekten basqa jaýyngerlik daiarlyq pen kadr daiarlaý jumystary júrip jatyr. Búginge deiin Qyrǵyzstannyń 300-den astam áskeri qyzmetshileri Qazaqstanda bilim alǵan. Qazir 25 áskeri qyzmetshi – 2 ofitser jáne 23 kýrsant oqýdan ótip jatyr. Oǵan qosa, ekijaqty jáne kópjaqty, UQShU, TMD, ShYU oqý-jattyǵýlary men basqa da sharalar ótkiziledi», - dedi Qamaletdinov.
Senat depýtaty Nurjan Nursipatov UQShU jaýapkershilik aimaǵyna shekaralas Aýǵanstandaǵy saiasi ahýaldyń shielenisýine, sondai-aq óńirlik qaýipsizdikke tónetin syn-tegeýrin men qaterlerdiń ósýine bailanysty Ortalyq Aziianyń qaýipsizdigi men qorǵanysyn qamtamasyz etý kózdelgenin aitty.
«Áskeri-tehnikńalyq kómek Qyrǵyzstannyń qarýly kúshteriniń osy qaterlerge toitarys berýdegi áleýetin kúsheitýge múmkindik beredi. Qyrǵyzstannyń Qazaqstannyń qaýipsizdigi úshin erekshe geosaiasi mártebesin, ortaq shekarasyn, baýyrlas eki memleket arasyndaǵy dostyq qatynastaryn eskere otyryp, zań jobasyn qabyldaý – elimizdiń ulttyq jáne halyqaralyq qaýipsizdigin qamtamasyz etýdegi negizdigili men ózektiligine yqpal etedi», - dedi Nurjan Nursipatov.
