پارلامەنت سەناتىندا قىرعىزستانعا ەسكەري-تەحنيكالىق كٶمەك كٶرسەتۋ تۋرالى كەلٸسٸم راتيفيكاتسييالاندى, دەپ حابارلايدى قازاقپارات.
بۇعان دەيٸن مەجٸلٸس «قازاقستان رەسپۋبليكاسىنىڭ ٷكٸمەتٸ مەن قىرعىز رەسپۋبليكاسىنىڭ مينيسترلەر كابينەتٸ اراسىنداعى ورتالىق ازييا ٶڭٸرٸنٸڭ قاۋٸپسٸزدٸگٸن قامتاماسىز ەتۋدە ەسكەري-تەحنيكالىق جەردەم كٶرسەتۋ كەلٸسٸمٸن راتيفيكاتسييالاۋ تۋرالى» زاڭ جوباسىن ماقۇلداعان ەدٸ.
«كەلٸسٸمگە 2021 جىلعى 7 جەلتوقساندا جوعارعى باس قولباسشىنىڭ تاپسىرماسىمەن قىرعىزستان تاراپىنان ەسكەري-تەحنيكالىق كٶمەك كٶرسەتۋ تۋرالى سۇراۋىن ٸسكە اسىرۋ ماقساتىندا قول قويىلدى. كەلٸسٸم بويىنشا ەسكەري مٷلٸك بٸر مەرتە بەرٸلەدٸ. ونىڭ اتاۋى مەن كٶلەمٸ ديپلوماتييالىق ارنا ارقىلى كەلٸسٸلدٸ. قازاقستان تاراپى مٷلٸكتٸ قىرعىزستاننىڭ قويتاش ەلدٸمەكەنٸنە دەيٸن اۆتوكٶلٸكپەن جەتكٸزەدٸ. شىعىندى ٶزٸ كٶتەرەدٸ. قىرعىزستان تاراپى العان مٷلٸكتٸ تەك قاۋٸپسٸزدٸكتٸ قامتاماسىز ەتۋ ٷشٸن پايدالانا الادى, ٷشٸنشٸ تاراپقا بەرمەيدٸ. تمد قاتىسۋشى مەملەكەتتەرگە قارسى قولدانبايدى. ورتالىق ازيياعا ٸرگەلەس اۋماقتا شيەلەنٸس بولعاندا, ٶڭٸرلٸك قاۋٸپسٸزدٸككە سىن-قاتەر تٶنگەن جاعدايدا ەسكەري-تەحنيكالىق كٶمەك كٶرسەتۋ قىرعىزستان قارۋلى كٷشتەرٸنٸڭ وعان تويتارىس بەرۋٸنە, ورتالىق ازييا ٶڭٸرٸنٸڭ قاۋٸپسٸزدٸگٸن نىعايتۋعا مٷمكٸندٸك بەرەدٸ», - دەدٸ قر قورعانىس مينيسترٸنٸڭ ورىنباسارى سۇلتان قامالەتدينوۆ سەنات وتىرىسىندا.
ونىڭ ايتۋىنشا, ەسكەري مٷلٸك تٸزٸمٸ انىقتالدى, ول ديپلوماتييالىق ارنا ارقىلى كەلٸسٸلدٸ.
ونىڭ ٸشٸندە قارۋ-جاراق, وق-دەرٸ, باقىلاۋ جەنە بارلاۋ جابدىقتارى بار.
«قازٸرگٸ ۋاقىتتا ەسكەري-تەحنيكالىق كٶمەكتەن باسقا جاۋىنگەرلٸك دايارلىق پەن كادر دايارلاۋ جۇمىستارى جٷرٸپ جاتىر. بٷگٸنگە دەيٸن قىرعىزستاننىڭ 300-دەن استام ەسكەري قىزمەتشٸلەرٸ قازاقستاندا بٸلٸم العان. قازٸر 25 ەسكەري قىزمەتشٸ – 2 وفيتسەر جەنە 23 كۋرسانت وقۋدان ٶتٸپ جاتىر. وعان قوسا, ەكٸجاقتى جەنە كٶپجاقتى, ۇقشۇ, تمد, شىۇ وقۋ-جاتتىعۋلارى مەن باسقا دا شارالار ٶتكٸزٸلەدٸ», - دەدٸ قامالەتدينوۆ.
سەنات دەپۋتاتى نۇرجان نۇرسيپاتوۆ ۇقشۇ جاۋاپكەرشٸلٸك ايماعىنا شەكارالاس اۋعانستانداعى ساياسي احۋالدىڭ شيەلەنٸسۋٸنە, سونداي-اق ٶڭٸرلٸك قاۋٸپسٸزدٸككە تٶنەتٸن سىن-تەگەۋرٸن مەن قاتەرلەردٸڭ ٶسۋٸنە بايلانىستى ورتالىق ازييانىڭ قاۋٸپسٸزدٸگٸ مەن قورعانىسىن قامتاماسىز ەتۋ كٶزدەلگەنٸن ايتتى.
«ەسكەري-تەحنيكڭالىق كٶمەك قىرعىزستاننىڭ قارۋلى كٷشتەرٸنٸڭ وسى قاتەرلەرگە تويتارىس بەرۋدەگٸ ەلەۋەتٸن كٷشەيتۋگە مٷمكٸندٸك بەرەدٸ. قىرعىزستاننىڭ قازاقستاننىڭ قاۋٸپسٸزدٸگٸ ٷشٸن ەرەكشە گەوساياسي مەرتەبەسٸن, ورتاق شەكاراسىن, باۋىرلاس ەكٸ مەملەكەت اراسىنداعى دوستىق قاتىناستارىن ەسكەرە وتىرىپ, زاڭ جوباسىن قابىلداۋ – ەلٸمٸزدٸڭ ۇلتتىق جەنە حالىقارالىق قاۋٸپسٸزدٸگٸن قامتاماسىز ەتۋدەگٸ نەگٸزدٸگٸلٸ مەن ٶزەكتٸلٸگٸنە ىقپال ەتەدٸ», - دەدٸ نۇرجان نۇرسيپاتوۆ.
