8 naýryzdan bastap Qazaqstan Qyrǵyzstan azamattaryna pasportsyz kirýge ýaqytsha tyiym saldy, dep habarlaidy Sputnik Qyrǵyzstan.
"Qazaqstan tarapy mundai shara nelikten qabyldanǵanyn túsindirmedi. Biraq bul koronavirýstyń taralýyna bailanysty bolsa kerek. Seýl-Almaty reisi bar. Keibir qyrǵyzstandyqtar Ońtústik Koreiadan ushyp kelip, shekarada jeke kýálikterin kórsetetin", - dep túsinikteme berdi Qyrǵyzstannyń syrtqy ister ministriniń orynbasary Nurlan Ábdirahmanov.
Buǵan deiin Qyrǵyzstan azamattary jeke kýálik arqyly Qazaqstan men Reseige usha alatyn. Qazirgi ýaqytta Resei Qyrǵyzstanǵa qatysty mundai shekteý qoiǵan joq.
Aita keteiik, Qyrǵyzstan men Qazaqstanda koronavirýs indeti tirkelmedi. Qytai, Koreia jáne Iran azamattary úshin karantin engizildi.
Qazaqstannyń densaýlyq saqtaý ministrligi Qytai, Ońtústik Koreia jáne Irandy koronavirýs órshigen elderdiń sanatyna engizdi. Ol jaqtan kelgen azamattar 14 kúnge karantinge ornalastyrylady.
Air Astana áýe kompaniiasy 6 naýryzdan keiin Almatydan Gonkongqa ushýǵa tyiym salynǵanyn habarlady.
Nur-Sultannan Parijge reister ýaqytsha toqtatyldy, Almatydan Kýala-Lýmpýrge reister 14 sáýirden 31 mamyrǵa deiin tolyǵymen jabylady.
Áýe kompaniiasy Qazaqstannan Beijiń men Úrimshige ushatyn reisterdiń barlyǵyn toqtatty.
Sondai-aq Almaty men Mýmbai qalasy arasynda josparlanǵan reisterge de shekteý engizildi, dep habarlady áýe kompaniiasy.
