8 ناۋرىزدان باستاپ قازاقستان قىرعىزستان ازاماتتارىنا پاسپورتسىز كٸرۋگە ۋاقىتشا تىيىم سالدى, دەپ حابارلايدى Sputnik قىرعىزستان.
"قازاقستان تاراپى مۇنداي شارا نەلٸكتەن قابىلدانعانىن تٷسٸندٸرمەدٸ. بٸراق بۇل كوروناۆيرۋستىڭ تارالۋىنا بايلانىستى بولسا كەرەك. سەۋل-الماتى رەيسٸ بار. كەيبٸر قىرعىزستاندىقتار وڭتٷستٸك كورەيادان ۇشىپ كەلٸپ, شەكارادا جەكە كۋەلٸكتەرٸن كٶرسەتەتٸن", - دەپ تٷسٸنٸكتەمە بەردٸ قىرعىزستاننىڭ سىرتقى ٸستەر مينيسترٸنٸڭ ورىنباسارى نۇرلان ەبدٸراحمانوۆ.
بۇعان دەيٸن قىرعىزستان ازاماتتارى جەكە كۋەلٸك ارقىلى قازاقستان مەن رەسەيگە ۇشا الاتىن. قازٸرگٸ ۋاقىتتا رەسەي قىرعىزستانعا قاتىستى مۇنداي شەكتەۋ قويعان جوق.
ايتا كەتەيٸك, قىرعىزستان مەن قازاقستاندا كوروناۆيرۋس ٸندەتٸ تٸركەلمەدٸ. قىتاي, كورەيا جەنە يران ازاماتتارى ٷشٸن كارانتين ەنگٸزٸلدٸ.
قازاقستاننىڭ دەنساۋلىق ساقتاۋ مينيسترلٸگٸ قىتاي, وڭتٷستٸك كورەيا جەنە يراندى كوروناۆيرۋس ٶرشٸگەن ەلدەردٸڭ ساناتىنا ەنگٸزدٸ. ول جاقتان كەلگەن ازاماتتار 14 كٷنگە كارانتينگە ورنالاستىرىلادى.
Air Astana ەۋە كومپانيياسى 6 ناۋرىزدان كەيٸن الماتىدان گونكونگقا ۇشۋعا تىيىم سالىنعانىن حابارلادى.
نۇر-سۇلتاننان پاريجگە رەيستەر ۋاقىتشا توقتاتىلدى, الماتىدان كۋالا-لۋمپۋرگە رەيستەر 14 سەۋٸردەن 31 مامىرعا دەيٸن تولىعىمەن جابىلادى.
ەۋە كومپانيياسى قازاقستاننان بەيجٸڭ مەن ٷرٸمشٸگە ۇشاتىن رەيستەردٸڭ بارلىعىن توقتاتتى.
سونداي-اق الماتى مەن مۋمباي قالاسى اراسىندا جوسپارلانعان رەيستەرگە دە شەكتەۋ ەنگٸزٸلدٸ, دەپ حابارلادى ەۋە كومپانيياسى.
