QR Saýda jáne integratsiia ministrligi Eýraziialyq ekonomikalyq komissiiaǵa EAEO alańynda qyrǵyz tarapynyń EAEO múshe-memleketterinen taýarlarǵa qatysty baqylaý baǵalarynyń eń tómengi deńgeiin qoldaný máselesin qaita qaraý týraly joldaǵan ótinishin DSU hatshylyǵyna da jiberdi, dep habarlaiqy "Ult aqparat" ministrliktiń baspasóz qyzmetine silteme jasap.
«Qazaqstandyq taýarlarǵa, sondai-aq EAEO-nyń basqa elderiniń taýarlaryna baqylaý baǵalarynyń eń tómengi deńgeiin qoldanýy arqyly qyrǵyz biligi negizinde qosymsha tólemderdi engizýde. Osylaisha, eger qazaqstandyq óndirýshi Bishkekke kelisiniń ortasha baǵasy 17 somnan un ákelse, bul rette qyrǵyzdyń salyq qyzmetteri 22 som/kg mólsherindegi baqylaý baǵasynyń eń tómengi deńgeiin esepke ala otyryp QQS alady. Basqa taýarlar boiynsha da dál sol jaǵdai, mysaly, kóktemgi-jazǵy kezeńde jumyrtqanyń baǵasy 2 somdy quraidy, bul rette baǵanyń eń tómengi deńgeii – 4,9 som bolyp eseptelinedi. Eń tómengi baǵany anyqtaý tártibi aiqyn emes, qyrǵyz úkimetiniń qaýlysymen belgilengen eń tómengi baǵalar negizdelmegen», - dep QR Saýda jáne integratsiia ministrligi túsindiredi.
Ministrliktiń málimetinshe, negizinen baqylaý baǵalarynyń eń tómengi deńgeii tamaq taýarlaryna, onyń ishinde un, qant, kúrish, onyń ishinde usaqtalǵan jumyrtqa, syra, sondai-aq tsementke, kómirge qoldanylady. Barlyq kórsetilgen taýarlar dástúrli túrde Qyrǵyzstanǵa qazaqstandyq eksporttyń negizin quraidy. Baqylaý baǵalarynyń eń tómengi deńgeiin qoldaný saldarynan QQS-tyń ulǵaitylǵan somasyn tóleý Qyrǵyzstan naryǵyndaǵy qazaqstandyq taýarlardyń baǵalyq básekege qabilettiligine teris áser etedi.
«Bul mehanizm qyrǵyz taýarlaryna da, úshinshi elderden ákelinetin taýarlarǵa da qoldanbaýy sebebinen atap aitqanda «ulttyq rejim» jáne «neǵurlym qolaily rejim» halyqaralyq saýdanyń negizin qalaýshy qaǵidattary boiynsha EAEO jáne DSU quqyǵynyń tikelei buzylýy bolyp tabylady. Sondai-aq Bishkek qoldanatyn bul normalar DSU-nyń kedendik qun týraly kelisiminiń erejelerine sáikes kelmeidi», delingen habarlamada.
Ministrliktiń málimdeýinshe, Qyrǵyzstan óziniń halyqaralyq mindettemelerin oryndamaǵan jaǵdaida, Qazaqstan qyrǵyz taýarlaryna qatysty quqyqty paidalanyp barabar sharalardy qoldanýǵa nietti.
Qazaqstannyń DSU jáne EAEO alańdaryndaǵy úndeýlerin biylǵy jyldyń naýryz-sáýir ailarynda qaraý josparlanyp otyr.
