QR Densaýlyq saqtaý vitse-ministri - Bas memlekettik sanitariialyq dáriger Erlan Qiiasov elimiz koronavirýspen kúres úshin satyp alynýy múmkin 3 vaktsinany atady, dep habarlaidy "Ult aqparat".
«Búgingi kúni álemde belgili ári naqtylanǵan 198 vaktsina-kandidat ázirlenip jatyr. 42 vaktsina adamdarǵa klinikalyq synaqtan ótýde. Qazirgi ýaqytta keleshegi bar dep 3 vaktsinany bóle qarastyryp otyrmyz. Olar Oksford vaktsinasy, Reseide ázirlenip jatqan «Spýtnik-5» jáne qazaqstandyq vaktsina», - dedi Erlan Qiiasov Ortalyq kommýnikatsiialar qyzmetinde ótken baspasóz máslihatynda.
Osy oraida vitse-ministr qazaqstandyq vaktsinany ázirleý qai satyǵa jetkendigine toqtaldy.
«Bul vaktsinanyń alǵashqy synaǵy ótkizilip, qazirgi ýaqytta ekinshi kezeńi júzege asyrylyp jatyr. Kelesi jyldyń basynda osy vaktsinany beiimdeýdiń úshinshi satysyna kirisemiz degen úmit bar. Al vaktsinatsiialaýǵa jatatyn adamdar sanyna qatysty jumys júrgizilýde. Aldyn ala boljamdy san 2 mln-nan astam adam bolatyn. Qazirgi ýaqytta qosymsha kontingent anyqtalyp otyr. Sondyqtan bul sandy ulǵaita túsemiz. Al vaktsinany tańdaý synaqtyń úshinshi kezeńi ótkizilip, ony tirkeýdiń barlyq zańdy protsedýralary júrgizilgennen keiin ǵana anyqtalady», - dedi ol BAQ ókilderiniń saýalyna orai.
