Fýtboldan Qazaqstan quramasy ÝEFA Ulttar ligasynyń 4-týrynda «Astana Arena» stadionynda Slovakiia oiynshylaryn qabyldady, dep habarlaidy "Ult aqparat".
Bir apta buryn quramalar Trnavada kezdesip, ol matchta qazaqstandyqtar 1:0 esebimen jeńgen edi.
Bul oiynda el quramasy myqtylyǵyn taǵy bir márte pash etti. Esepti 18-shi minýtta Ian Vorogovskii ashsa, 39-shy minýtta Elhan Astanov kórsetkishti eselei tústi. Osylaisha alǵashqy taimnyń ózinde-aq qarsylas qaqpasyna eki gol soqtyq.
Ekinshi taimda Slovakiia bir golmen jaýap qatty (Matýsh Bero, 51-minýt), sondai-aq oiynshysy ereje buzǵan soń ekinshi goly esepke alynbady. Al odan keiin eýropalyqtardyń tarazy basyn teńestirýge shamasy jetpedi.
Oiyn sońyna qarai Ondrei Dýda dóreki oinaǵany úshin alańnan qýyldy. Qorytyndy esep - 2:1.
Bul oiynnan keiin týrnir kestesinde aitarlyqtai ózgerister bola qoimady. Qazaqstan S divizionynyń 3-tobynda 10 upaimen kósh bastap tur.
