فۋتبولدان قازاقستان قۇراماسى ۋەفا ۇلتتار ليگاسىنىڭ 4-تۋرىندا «استانا ارەنا» ستاديونىندا سلوۆاكييا ويىنشىلارىن قابىلدادى, دەپ حابارلايدى "ۇلت اقپارات".
بٸر اپتا بۇرىن قۇرامالار ترناۆادا كەزدەسٸپ, ول ماتچتا قازاقستاندىقتار 1:0 ەسەبٸمەن جەڭگەن ەدٸ.
بۇل ويىندا ەل قۇراماسى مىقتىلىعىن تاعى بٸر مەرتە پاش ەتتٸ. ەسەپتٸ 18-شٸ مينۋتتا يان ۆوروگوۆسكيي اشسا, 39-شى مينۋتتا ەلحان استانوۆ كٶرسەتكٸشتٸ ەسەلەي تٷستٸ. وسىلايشا العاشقى تايمنىڭ ٶزٸندە-اق قارسىلاس قاقپاسىنا ەكٸ گول سوقتىق.
ەكٸنشٸ تايمدا سلوۆاكييا بٸر گولمەن جاۋاپ قاتتى (ماتۋش بەرو, 51-مينۋت), سونداي-اق ويىنشىسى ەرەجە بۇزعان سوڭ ەكٸنشٸ گولى ەسەپكە الىنبادى. ال ودان كەيٸن ەۋروپالىقتاردىڭ تارازى باسىن تەڭەستٸرۋگە شاماسى جەتپەدٸ.
ويىن سوڭىنا قاراي وندرەي دۋدا دٶرەكٸ ويناعانى ٷشٸن الاڭنان قۋىلدى. قورىتىندى ەسەپ - 2:1.
بۇل ويىننان كەيٸن تۋرنير كەستەسٸندە ايتارلىقتاي ٶزگەرٸستەر بولا قويمادى. قازاقستان س ديۆيزيونىنىڭ 3-توبىندا 10 ۇپايمەن كٶش باستاپ تۇر.
