Fýtboldan Qazaqstan kýbogynyń jartylai finalyna Qostanaidyń «Tobyly» joldama aldy, dep habarlaidy QazAqparat.
Qostanailyq klýb búgin óz alańynda Petropavldyń «Qyzyljaryn» qabyldady. Oiyn barysynda alań ieleri qatarynan Roman Asrankýlov 61-minýtta mergendik tanytty.
Eki komanda arasyndaǵy alǵashqy kezdesýde de «Tobyl» atalǵan qarsylasyna 1:0 esebimen tize búktirgen edi.
Osylaisha qostanailyq klýb jartylai finalǵa shyqqan ekinshi komanda atandy.
Eske salsaq, budan buryn mundai múmkindikke elordalyq «Astana» ie bolǵan edi. Elordalyq klýb syrt alańda Aqtaýdyń «Kaspiiinen» 1:0 esebimen basym tústi. Eki komanda arasyndaǵy alǵashqy kezdesýde 3:3 esebi tirkelgen bolatyn.
Sondai-aq, búgin alǵashqy kezdesýinde Almatynyń «Qairaty» Qyzylordanyń «Qaisaryn» 3:0 esebimen jeńse, Qaraǵandynyń «Shahteri» syrt alańda «Tarazben» 0:0 esebimen teń tústi.
Aita ketsek, «Qairat» pen «Shahterdiń» ekrokýbok oiyndaryna qatysýyna bailanysty 21 tamyz kúni ótýi tiis kezdesýler búginge shegerilgen edi. Endi olar búgingi qarsylastarymen qarymta oiyndardy 27 qazanda ótkizedi.
