فۋتبولدان قازاقستان كۋبوگىنىڭ جارتىلاي فينالىنا قوستانايدىڭ «توبىلى» جولداما الدى, دەپ حابارلايدى قازاقپارات.
قوستانايلىق كلۋب بٷگٸن ٶز الاڭىندا پەتروپاۆلدىڭ «قىزىلجارىن» قابىلدادى. ويىن بارىسىندا الاڭ يەلەرٸ قاتارىنان رومان اسرانكۋلوۆ 61-مينۋتتا مەرگەندٸك تانىتتى.
ەكٸ كوماندا اراسىنداعى العاشقى كەزدەسۋدە دە «توبىل» اتالعان قارسىلاسىنا 1:0 ەسەبٸمەن تٸزە بٷكتٸرگەن ەدٸ.
وسىلايشا قوستانايلىق كلۋب جارتىلاي فينالعا شىققان ەكٸنشٸ كوماندا اتاندى.
ەسكە سالساق, بۇدان بۇرىن مۇنداي مٷمكٸندٸككە ەلوردالىق «استانا» يە بولعان ەدٸ. ەلوردالىق كلۋب سىرت الاڭدا اقتاۋدىڭ «كاسپييٸنەن» 1:0 ەسەبٸمەن باسىم تٷستٸ. ەكٸ كوماندا اراسىنداعى العاشقى كەزدەسۋدە 3:3 ەسەبٸ تٸركەلگەن بولاتىن.
سونداي-اق, بٷگٸن العاشقى كەزدەسۋٸندە الماتىنىڭ «قايراتى» قىزىلوردانىڭ «قايسارىن» 3:0 ەسەبٸمەن جەڭسە, قاراعاندىنىڭ «شاحتەرٸ» سىرت الاڭدا «تارازبەن» 0:0 ەسەبٸمەن تەڭ تٷستٸ.
ايتا كەتسەك, «قايرات» پەن «شاحتەردٸڭ» ەكروكۋبوك ويىندارىنا قاتىسۋىنا بايلانىستى 21 تامىز كٷنٸ ٶتۋٸ تيٸس كەزدەسۋلەر بٷگٸنگە شەگەرٸلگەن ەدٸ. ەندٸ ولار بٷگٸنگٸ قارسىلاستارىمەن قارىمتا ويىنداردى 27 قازاندا ٶتكٸزەدٸ.
