Fýtboldan Qazaqstan kýbogynyń jartylai finalyna shyqqan alǵashqy komanda anyqtaldy, dep habarlaidy QazAqparat.
Elordalyq «Astana» syrt alańda Aqtaýdyń «Kaspii» komandasymen kezdesti. Alań ieleri qatarynan 2-minýtta Aleksei Zaleskii qyzyl qaǵaz alyp, alańnan qýylǵan edi. Soǵan qaramastan aqtaýlyq komanda oiynshylary toqsan minýt boiy azýly qarsylasyna tótep bere bildi. Kezdesý overtaimǵa ulasty. Overtaimnyń 116-minýtynda elordalyq Islambek Qýat qaqpany dál kózdedi.
Eki komanda arasyndaǵy alǵashqy kezdesýde 3:3 esebimen túsken bolatyn.
Al «Taraz» óz alańynda Qaraǵandynyń «Shahterimen» alǵashqy kezdesýinde 0:0 esebimen teń tústi. Bul kezdesý qaraǵandylyq ujymnyń eýrokýbok oiyndaryna qatysýyna bailanysty 21 tamyzdan búginge shegerilgen edi. Eki komanda endi 27 qazanda qarymta oiyn ótkizedi.
Sondai sebeptermen dál qazir Almatyda «Qairat» pen Qyzylordanyń «Qaisary» alǵashqy oiynyn ótkizýde.
