فۋتبولدان قازاقستان كۋبوگىنىڭ جارتىلاي فينالىنا شىققان العاشقى كوماندا انىقتالدى, دەپ حابارلايدى قازاقپارات.
ەلوردالىق «استانا» سىرت الاڭدا اقتاۋدىڭ «كاسپيي» كومانداسىمەن كەزدەستٸ. الاڭ يەلەرٸ قاتارىنان 2-مينۋتتا الەكسەي زالەسكيي قىزىل قاعاز الىپ, الاڭنان قۋىلعان ەدٸ. سوعان قاراماستان اقتاۋلىق كوماندا ويىنشىلارى توقسان مينۋت بويى ازۋلى قارسىلاسىنا تٶتەپ بەرە بٸلدٸ. كەزدەسۋ وۆەرتايمعا ۇلاستى. وۆەرتايمنىڭ 116-مينۋتىندا ەلوردالىق يسلامبەك قۋات قاقپانى دەل كٶزدەدٸ.
ەكٸ كوماندا اراسىنداعى العاشقى كەزدەسۋدە 3:3 ەسەبٸمەن تٷسكەن بولاتىن.
ال «تاراز» ٶز الاڭىندا قاراعاندىنىڭ «شاحتەرٸمەن» العاشقى كەزدەسۋٸندە 0:0 ەسەبٸمەن تەڭ تٷستٸ. بۇل كەزدەسۋ قاراعاندىلىق ۇجىمنىڭ ەۋروكۋبوك ويىندارىنا قاتىسۋىنا بايلانىستى 21 تامىزدان بٷگٸنگە شەگەرٸلگەن ەدٸ. ەكٸ كوماندا ەندٸ 27 قازاندا قارىمتا ويىن ٶتكٸزەدٸ.
سونداي سەبەپتەرمەن دەل قازٸر الماتىدا «قايرات» پەن قىزىلوردانىڭ «قايسارى» العاشقى ويىنىن ٶتكٸزۋدە.
