Epidemiologiialyq jaǵdai matritsasyna sáikes Qazaqstan ortasha qaýipti aimaqtan táýekeli tómen aimaqqa aýysty. Bul týraly Ortalyq kommýnikatsiialar qyzmetinde Densaýlyq saqtaý ministri Aleksei Tsoi málim etti, dep habarlaidy "Ult aqparat".
Qazaqstan Respýblikasynda 10 aqpandaǵy jaǵdai boiynsha 198 086 naýqas COVID-19 juqtyrǵan jáne 48 388 azamatqa KVI- diagnozy qoiylǵan. KVI+ 179 277 naýqas jáne KVI- 37 998 naýqas saýyǵyp shyqty. Infektsiialyq tósek oryndarynyń 26 paiyzynda naýqas bar, reanimatsiialyq oryndardyń 18 paiyzynda patsient jatyr.
«Osy aptada epidemiologiialyq jaǵdaidyń matritsasy boiynsha Qazaqstan ortasha qaýipti aimaqtan táýekeli tómen aimaqqa ótti. 3 óńir (Aqmola, Pavlodar oblystary jáne Nur-Sultan qalasy) qyzyl aimaqta tur. Sary aimaqta – 3 óńir (Batys Qazaqstan, Qostanai, Soltústik Qazaqstan oblystary) bar. Qalǵan 11 óńir jasyl aimaqta», - dedi ministr.
