Koronavirýsqa qarsy vaktsina satyp alý úshin qarjy qarajatyn bólý máselesi boljamdy óndirýshi anyqtalǵannan keiin pysyqtalady. Bul jaiynda QR Premer-Ministri Asqar Maminniń Májilis depýtattarynyń saýalyna bergen jaýabynda aitylǵan, dep habarlaidy "Ult aqparat".
«Koronavirýs infektsiiasyna qarsy vaktsina ázirleý jáne klinikalyq synaqtan ótkizý boiynsha álemdik málimetterdi zerdeleý, atalǵan infektsiiaǵa qarsy vaktsinatsiialaýǵa jatatyn topty aiqyndaý jumysy júrgizilip jatyr. Búkil álem zertteýshileri koronavirýsqa qarsy 190-nan astam vaktsina ázirleý ústinde. Memleket basshysynyń tapsyrmasymen úkimettik delegatsiia Resei Federatsiiasyna baryp, vaktsina jetkizý máselesin talqylady. Qazaqstan jahandyq vaktsina jáne immýnizatsiia jónindegi alians (GAVI) qurǵan «COVAX Facility» baǵdarlamasyna qyzyǵýshylyq tanytyp, usynys jiberdi» - dep atap ótedi Úkimet basshysy.
Premer-Ministrdiń aitýynsha, Dúniejúzilik densaýlyq saqtaý uiymy qazaqstandyq vaktsinany resmi túrde klinikalyq synaqtan ótkizýge ruqsat berdi. Qazirgi ýaqytta otandyq vaktsinany klinikalyq synaqtan ótkizýdiń II fazasy bastaldy.
«KVI-ge qarsy vaktsina satyp alý úshin qarjy qarajatyn bólý máselesi boljamdy óndirýshi, immýndaý eseligi (óndirýshilerde bir rettik, eki rettik nemese úsh rettik immýndaý syzbasy bar) eskerile otyryp vaktsina kólemi, vaktsina dozasynyń quny aiqyndalǵannan keiin pysyqtalady», - dedi Asqar Mamin.
