elements.envato.com
Densaýlyq saqtaý vitse-ministri - bas sanitariia dárigeri Aijan Esmaǵambetova Qazaqstan koronavirýsqa qarsy shetel vaktsinalarynan bas tartyp, otandyq QazVac-qa aýysýy múmkin ekenin aitty, - dep habarlaidy Massaget.kz.
"Pfizer tek jasóspirimderge, júkti jáne bala emizetin áielderge satyp alynady. Negizgi sanat úshin Sinopharm jáne QazVac paidalanylady, bolashaqta tek QazVac bolýy múmkin, óitkeni búginde bizdiń zaýyttyń qýaty qajettilikti jabýǵa múmkindik beredi.
"Spýtnik V" týraly aitatyn bolsaq, búginde bizde bar vaktsinalardyń kólemi jáne vaktsina óndirý jaǵynan múmkindigimiz Qazaqstannyń qajettiligin jabýǵa jetkilikti. Sondyqtan "Spýtnikke" (jańa partiiaǵa tapsyrys berý - esk.) qajettilik bolmady", - dedi Esmaǵambetova.
Jýrnalister qazaqstandyqtarǵa aqyly negizde, mysaly, Johnson & Johnson kompaniiasynyń vaktsinalary qashan qoljetimdi bolatynyn surady.
"Densaýlyq saqtaý ministrligi retinde halyqtyń kóp mólsherdegi vaktsinaǵa qol jetkizýine jáne tańdaýy bolýyna múddelimiz. Biraq bul bizge táýeldi emesin túsiný kerek. Moderna jáne Pfizer-men jeke kelissóz júrgizdim. Ókinishke qarai, búginde barlyq jetkizýshi vaktsinany aqyly naryqqa shyǵarýǵa úzildi-kesildi qarsy. Tipti distribiýtor taptyq, biraq olarda álemde pandemiia bolyp turǵan kezde koronavirýsqa qarsy vaktsinalardy jetkizý tek memleketpen jasalǵan shart negizinde jáne tek memleket úshin ǵana júretini týraly naqty ereje bar", - dedi Esmaǵambetova.
