Qazaqstan koronavirýs juqtyrýshylar sany boiynsha álemdik reitingte 110-orynda, dep habarlaidy "Ult aqparat".
Álemde koronavirýs juqtyrý boiynsha jaǵdai áli de alańdatarlyq. AQSh-ta bir táýlikte 76 myń jańa jaǵdai tirkeldi. Túrkiia (62 myń jańa jaǵdai), Frantsiia (43 myń), Germaniia (32 myń), Polsha (21 myń) siiaqty Eýropa elderinde koronavirýs infektsiiasynyń ósimi baiqalady. Kóptegen el úkimetteri shekteý sharalaryn kúsheitý boiynsha sharalar qabyldaýda.
Túrkiia Respýblikasynda koronavirýs juqtyrýshylar sanynyń ósýine bailanysty bizdiń elde Memlekettik shekarada sanitarlyq-karantindik baqylaý kúsheitildi, Túrkiiamen halyqaralyq reister qysqartyldy.
Búgingi kúnde www.worldometers derekteri boiynsha álemde 139 mln-nan astam COVID-19 juqtyrý jaǵdaiy tirkelgen, aýrý ósimi – 0,6. Kóz jumǵandar sany – 2 984 721 adam, ólim kórsetkishi– 2,1%.
1 million adamǵa qaita eseptegende eń nashar jaǵdai Chehiiada, onda kórsetkish 148,269, AQSh-ta - 96,682, Frantsiiada - 78,759, Túrkiiada - 47,331, Germaniiada - 36483 boldy.
Pandemiia bastalǵaly Qazaqstan Respýblikasy bul reitingide 1 million turǵynǵa shaqqanda 14,565 indikatorymen 110-oryndy ielendi, COVID-19-dan qaitys bolǵandar sany boiynsha Qazaqstan álemde 107 orynda, koronavirýs infektsiiasynan saýyǵyp shyqqandar úlesi 98,4%-dy quraidy. Halyqty KVI testilermen qamtý boiynsha Qazaqstan álemdik reitingide 71-shi orynda.
Epidemiologiialyq jaǵdaidy turaqtandyrý úshin Qazaqstan Úkimeti shekteý sharalarynyń keshenin júzege asyrýda, sondai-aq halyqty COVID-19-ǵa qarsy jappai vaktsinalaýdy júrgizýde. Búgingi tańda 560 myńnan astam azamat egildi, kún saiyn 70 myńnan astam adam vaktsinalanady.
1 aqpannan bastap aimaqtarǵa «Spýtnik V» vaktsinasynyń 922 myń dozasy jetkizildi. Óńirlerde vaktsinalardyń 417 myń dozasy bar. Sáýir aiynda barlyǵy 2 millionnan astam adamdy vaktsinalaý josparlanǵan, iaǵni tiisti kontingenttiń 23,4% -yn quraidy. Óndirýshilermen júrgizilgen kelissózderdi eskere otyryp, Qazaqstanda birinshi jartyjyldyqta 6 millionnan astam vaktsina dozasyn qabyldaý josparlanyp otyr, bul tiisti kontingenttiń 64%-yn qamtýǵa múmkindik beredi».
Búgingi kúnde respýblika boiynsha KVI-ǵa qarsy immýndaý naýqanyna 1281 egý kabineti tartylǵan, onyń ishinde 230 jyljymaly kóshpeli egý pýnktileri saýda ortalyqtarynda, halyq kóp jinalatyn jerlerde jáne shalǵai aýdandarda, uiymdasqan ujymdarda vaktsinatsiia júrgizý úshin tartylǵan. Jyljymaly kóshpeli egý pýnktilerinde oqytylǵan meditsinalyq qyzmetkerler bar, arnaiy tońazytqysh jabdyǵymen jabdyqtalǵan.
Aita ketý kerek, jalpy QR Úkimeti qabyldaǵan sharalar kesheni koronovirýs infektsiiasy boiynsha álemdik reitingide jaqsy kórsetkishterge qol jetkizýge múmkindik berdi.
