قازاقستان كوروناۆيرۋس جۇقتىرۋشىلار سانى بويىنشا ەلەمدٸك رەيتينگتە 110-ورىندا, دەپ حابارلايدى "ۇلت اقپارات".
ەلەمدە كوروناۆيرۋس جۇقتىرۋ بويىنشا جاعداي ەلٸ دە الاڭداتارلىق. اقش-تا بٸر تەۋلٸكتە 76 مىڭ جاڭا جاعداي تٸركەلدٸ. تٷركييا (62 مىڭ جاڭا جاعداي), فرانتسييا (43 مىڭ), گەرمانييا (32 مىڭ), پولشا (21 مىڭ) سيياقتى ەۋروپا ەلدەرٸندە كوروناۆيرۋس ينفەكتسيياسىنىڭ ٶسٸمٸ بايقالادى. كٶپتەگەن ەل ٷكٸمەتتەرٸ شەكتەۋ شارالارىن كٷشەيتۋ بويىنشا شارالار قابىلداۋدا.
تٷركييا رەسپۋبليكاسىندا كوروناۆيرۋس جۇقتىرۋشىلار سانىنىڭ ٶسۋٸنە بايلانىستى بٸزدٸڭ ەلدە مەملەكەتتٸك شەكارادا سانيتارلىق-كارانتيندٸك باقىلاۋ كٷشەيتٸلدٸ, تٷركييامەن حالىقارالىق رەيستەر قىسقارتىلدى.
بٷگٸنگٸ كٷندە www.worldometers دەرەكتەرٸ بويىنشا ەلەمدە 139 ملن-نان استام COVID-19 جۇقتىرۋ جاعدايى تٸركەلگەن, اۋرۋ ٶسٸمٸ – 0,6. كٶز جۇمعاندار سانى – 2 984 721 ادام, ٶلٸم كٶرسەتكٸشٸ– 2,1%.
1 ميلليون ادامعا قايتا ەسەپتەگەندە ەڭ ناشار جاعداي چەحييادا, وندا كٶرسەتكٸش 148,269, اقش-تا - 96,682, فرانتسييادا - 78,759, تٷركييادا - 47,331, گەرمانييادا - 36483 بولدى.
پاندەمييا باستالعالى قازاقستان رەسپۋبليكاسى بۇل رەيتينگٸدە 1 ميلليون تۇرعىنعا شاققاندا 14,565 ينديكاتورىمەن 110-ورىندى يەلەندٸ, COVID-19-دان قايتىس بولعاندار سانى بويىنشا قازاقستان ەلەمدە 107 ورىندا, كوروناۆيرۋس ينفەكتسيياسىنان ساۋىعىپ شىققاندار ٷلەسٸ 98,4%-دى قۇرايدى. حالىقتى كۆي تەستٸلەرمەن قامتۋ بويىنشا قازاقستان ەلەمدٸك رەيتينگٸدە 71-شٸ ورىندا.
ەپيدەميولوگييالىق جاعدايدى تۇراقتاندىرۋ ٷشٸن قازاقستان ٷكٸمەتٸ شەكتەۋ شارالارىنىڭ كەشەنٸن جٷزەگە اسىرۋدا, سونداي-اق حالىقتى COVID-19-عا قارسى جاپپاي ۆاكتسينالاۋدى جٷرگٸزۋدە. بٷگٸنگٸ تاڭدا 560 مىڭنان استام ازامات ەگٸلدٸ, كٷن سايىن 70 مىڭنان استام ادام ۆاكتسينالانادى.
1 اقپاننان باستاپ ايماقتارعا «سپۋتنيك V» ۆاكتسيناسىنىڭ 922 مىڭ دوزاسى جەتكٸزٸلدٸ. ٶڭٸرلەردە ۆاكتسينالاردىڭ 417 مىڭ دوزاسى بار. سەۋٸر ايىندا بارلىعى 2 ميلليوننان استام ادامدى ۆاكتسينالاۋ جوسپارلانعان, ياعني تيٸستٸ كونتينگەنتتٸڭ 23,4% -ىن قۇرايدى. ٶندٸرۋشٸلەرمەن جٷرگٸزٸلگەن كەلٸسسٶزدەردٸ ەسكەرە وتىرىپ, قازاقستاندا بٸرٸنشٸ جارتىجىلدىقتا 6 ميلليوننان استام ۆاكتسينا دوزاسىن قابىلداۋ جوسپارلانىپ وتىر, بۇل تيٸستٸ كونتينگەنتتٸڭ 64%-ىن قامتۋعا مٷمكٸندٸك بەرەدٸ».
بٷگٸنگٸ كٷندە رەسپۋبليكا بويىنشا كۆي-عا قارسى يممۋنداۋ ناۋقانىنا 1281 ەگۋ كابينەتٸ تارتىلعان, ونىڭ ٸشٸندە 230 جىلجىمالى كٶشپەلٸ ەگۋ پۋنكتٸلەرٸ ساۋدا ورتالىقتارىندا, حالىق كٶپ جينالاتىن جەرلەردە جەنە شالعاي اۋدانداردا, ۇيىمداسقان ۇجىمداردا ۆاكتسيناتسييا جٷرگٸزۋ ٷشٸن تارتىلعان. جىلجىمالى كٶشپەلٸ ەگۋ پۋنكتٸلەرٸندە وقىتىلعان مەديتسينالىق قىزمەتكەرلەر بار, ارنايى توڭازىتقىش جابدىعىمەن جابدىقتالعان.
ايتا كەتۋ كەرەك, جالپى قر ٷكٸمەتٸ قابىلداعان شارالار كەشەنٸ كورونوۆيرۋس ينفەكتسيياسى بويىنشا ەلەمدٸك رەيتينگٸدە جاقسى كٶرسەتكٸشتەرگە قول جەتكٸزۋگە مٷمكٸندٸك بەردٸ.
