Máskeýde ótetin Ekinshi dúniejúzilik soǵystaǵy Jeńistiń 75 jyldyǵyna arnalǵan is-sharalarǵa qatysýyna bailanysty qorǵanys vedomstvosynyń basshysy generel-leitenant Nurlan Ermekbaev 11 maýsymnan bastap ózin-ózi oqshaýlaý rejimine kóshti, dep habarlaidy atalǵan vedomstvonyń baspasóz qyzmeti.
Merekelik is-sharalarǵa Qazaqstan Qorǵanys ministri óziniń reseilik áriptesi armiia generaly Sergei Shoigýdyń shaqyrýymen barady.
Ózin-ózi oqshaýlaý boiynsha sharalar shet elderge barý tártibin, dárigerlerdiń usynystaryn, sondai-aq sanitarlyq-epidemiologiialyq jaǵdaidyń jai-kúiin eskere otyryp qabyldandy.
Qorǵanys ministri jumys ornynda. Bul rette onyń qaramaǵyndaǵylarmen tikelei bailanysy joq. Qorǵanys ministrligi men qarýly kúshter qyzmetine basshylyq etý telefon jáne beinekonferentsbailanysy arqyly júzege asyrylady.
Ózin-ózi oqshaýlaý kezeńinde qorǵanys ministrimen qajetti diagnostikalyq is-sharalar júrgiziledi.
Ózin-ózi oqshaýlaý rejiminiń aiaqtalý kúni týraly sheshim aǵymdaǵy jaǵdaidy eskere otyryp, Máskeýden oralǵannan keiin qabyldanady.
