QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev Ońtústik Koreianyń ǵylym jáne AKT ministri Iu Seng Minmen kezdesti, dep habarlaidy "Ult aqparat".
Bul týraly búgin ministr óziniń Facebook-tegi paraqshasynda jazdy.
«Jaqynda Ońtústik Koreianyń ǵylym jáne AKT ministri Iu Seng Minmen óte mazmundy kezdesý ótkizdim. Osydan 15 jyl buryn, Qazaqstan Elektrondyq úkimetti damytýǵa alǵash qadam jasaǵan kezde, ońtústik koreialyq áriptester óz tájiribesimen bólise otyryp, biraz kómek bergen edi. Sol kezdiń ózinde Ońtústik Koreia osy saladaǵy kóshbasshylardyń biri bolatyn. Biz bul yntymaqtastyqty jalǵastyrýǵa niettimiz. Keshe áriptesterimizben birlesken josparlarymyz ben ideialarymyzdy talqyladyq.
Innovatsiialyq ekojúie men startaptardy damytý, jasandy intellekt, Big Datany qoldaný, elektrondyq úkimet pen aqyldy qalalardyń damýy týraly biraz áńgimelestik. Bul máselelermen Qazaqstan-Koreia birlesken halyqaralyq IT-ortalyǵy aiasynda ainalysatyn bolamyz. Atalǵan ortalyqty «Astana Hub» aqparattyq tehnologiialar startaptarynyń halyqaralyq tehnoparkinde ashýdy josparlap otyrmyz», - dep jazdy ministr.
Sondai-aq ol «Seýlge jasaǵan jumys sapary barysynda koreialyq áriptesterimizdiń 5G tehnologiiasyn paidalana otyryp engizgen sheshimderin kórdik. Innovatsiialyq klasterdiń, jergilikti startap-habtyń, ulttyq aqparattyq agenttiktiń jáne kiberqaýipsizdik jónindegi ortalyqtyń jumysymen tanystyq. Jýyrda áriptesterimiz Qazaqstanǵa kelýdi josparlap otyr. Biz óz kezegimizde «Tsifrlyq Qazaqstan» memlekettik baǵdarlamasyn iske asyrý barysymen tanystyryp, olardyń usynystaryn tyńdaimyz», - dedi Asqar Jumaǵaliev.
