قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ وڭتٷستٸك كورەيانىڭ عىلىم جەنە اكت مينيسترٸ يۋ سەنگ مينمەن كەزدەستٸ, دەپ حابارلايدى "ۇلت اقپارات".
بۇل تۋرالى بٷگٸن مينيستر ٶزٸنٸڭ Facebook-تەگٸ پاراقشاسىندا جازدى.
«جاقىندا وڭتٷستٸك كورەيانىڭ عىلىم جەنە اكت مينيسترٸ يۋ سەنگ مينمەن ٶتە مازمۇندى كەزدەسۋ ٶتكٸزدٸم. وسىدان 15 جىل بۇرىن, قازاقستان ەلەكتروندىق ٷكٸمەتتٸ دامىتۋعا العاش قادام جاساعان كەزدە, وڭتٷستٸك كورەيالىق ەرٸپتەستەر ٶز تەجٸريبەسٸمەن بٶلٸسە وتىرىپ, بٸراز كٶمەك بەرگەن ەدٸ. سول كەزدٸڭ ٶزٸندە وڭتٷستٸك كورەيا وسى سالاداعى كٶشباسشىلاردىڭ بٸرٸ بولاتىن. بٸز بۇل ىنتىماقتاستىقتى جالعاستىرۋعا نيەتتٸمٸز. كەشە ەرٸپتەستەرٸمٸزبەن بٸرلەسكەن جوسپارلارىمىز بەن يدەيالارىمىزدى تالقىلادىق.
يننوۆاتسييالىق ەكوجٷيە مەن ستارتاپتاردى دامىتۋ, جاساندى ينتەللەكت, Big Dataنى قولدانۋ, ەلەكتروندىق ٷكٸمەت پەن اقىلدى قالالاردىڭ دامۋى تۋرالى بٸراز ەڭگٸمەلەستٸك. بۇل مەسەلەلەرمەن قازاقستان-كورەيا بٸرلەسكەن حالىقارالىق IT-ورتالىعى اياسىندا اينالىساتىن بولامىز. اتالعان ورتالىقتى «Astana Hub» اقپاراتتىق تەحنولوگييالار ستارتاپتارىنىڭ حالىقارالىق تەحنوپاركٸندە اشۋدى جوسپارلاپ وتىرمىز», - دەپ جازدى مينيستر.
سونداي-اق ول «سەۋلگە جاساعان جۇمىس ساپارى بارىسىندا كورەيالىق ەرٸپتەستەرٸمٸزدٸڭ 5G تەحنولوگيياسىن پايدالانا وتىرىپ ەنگٸزگەن شەشٸمدەرٸن كٶردٸك. يننوۆاتسييالىق كلاستەردٸڭ, جەرگٸلٸكتٸ ستارتاپ-حابتىڭ, ۇلتتىق اقپاراتتىق اگەنتتٸكتٸڭ جەنە كيبەرقاۋٸپسٸزدٸك جٶنٸندەگٸ ورتالىقتىڭ جۇمىسىمەن تانىستىق. جۋىردا ەرٸپتەستەرٸمٸز قازاقستانعا كەلۋدٸ جوسپارلاپ وتىر. بٸز ٶز كەزەگٸمٸزدە «تسيفرلىق قازاقستان» مەملەكەتتٸك باعدارلاماسىن ٸسكە اسىرۋ بارىسىمەن تانىستىرىپ, ولاردىڭ ۇسىنىستارىن تىڭدايمىز», - دەدٸ اسقار جۇماعاليەۆ.
