Bul týraly Qazaqstan Respýblikasy Prezidenti janyndaǵy Qazaqstan strategiialyq zertteýler institýtynyń Korei Respýblikasynyń Qazaqstan Respýblikasyndaǵy Elshiligimen birlesip uiymdastyrǵan «Korei túbegindegi ahýal jáne Qazaqstannyń iadrolyq qarýdy taratpaýdaǵy róli» halyqaralyq dóńgelek ústel barysynda QR SIM Aziia jáne Afrika departamentiniń direktory Aidarbek Týmatov aitty, dep jazady Baq.kz agenttigi.
Ministrlik ókili Korei túbegindegi ahýalǵa qatysty Qazaqstannyń pozitsiiasyna toqtaldy.
«Bizdiń ministrlik úshin Korei túbegindegi másele basymdyq beriletin ahýaldardyń biri. Qazaqstan Pheniannyi iadrolyq qarýsyzdaný baǵdarlamasyn tolyq qoldaidy. Sonymen qatar, Ońtústik Koreianyń pozitsiiasyn da qoldaidy. Sebebi Seýldiń Soltústik Koreiamen dialog qurý, sonymen qatar AQSh pen KHDR arasyndaǵy yntamaqtastyqty nyǵaitýǵa qosqan úlesin atap ótken jón. Ońtústik Koreia biz ótken ǵasyrdyń sońynda oiymyzǵa kirip-shyqpaǵan jaqsy nátije kórsetti. Munymen qosa, Phenchhanda ótken qysqy Olimpiada oiyndaryn da ataǵym keledi. Osy shara koreiaaralyq yntymaqtastyqtyń bastaýy boldy deýge bolady.
Eki Koreia arasyndaǵy túrli másele boiynsha kezdesýleri, ásirese Kim Chen Ynnyń jyl sońyna deiin Seýlge sapary álemdik qaýymdastyqty qýantady. Árine, eki el de óz ulttyq múddelerin qorǵap qalǵysy keledi. Bul – zańdy qubylys. Degenmen, álemde keibir sarapshy koreiaaralyq kelissózder shegine jetti degen pikirdi de bildirip jatyr. Biraq alda bolatyn sammit eki Koreianyń máselesin sheshýge yqpal etedi dep senemiz», - dedi departament direktory.
Aitýynsha, KHDR denýklerizatsiialaý protsesinde Qazaqstannyń Semei iadrolyq poligonyn bas tartýdaǵy tájiribesine qarap áreket ete alady.
«Soltústik Koreianyń denýklerizatsiiasy Qazaqstannyń iadrolyq qarýdan bas tartý modelin úlgi ete alady dep oilaimyz. KHDR qandai joldy tańdasa da, biz sońynda jetistikke jetedi jáne Korei túbegine kópten kútken beibitshilikti alyp keledi dep úmittenemiz. Qazaqstan bul máselede KHDR-ge qaýipsizdikti qamtamasyz etýge kepildik jáne senimdilik berý kerek dep esepteidi. Sonymen qatar, Qazaqstan Ońtústik Koreia prezidentiniń Soltústik Koreiamen dialogqa kelý jáne Korei túbegin denýklerizatsiialaýǵa bailanysty bastamasyn tolyq qoldaidy», - dedi SIM ókili.
