«Qazhrom» TUK» AQ-ǵa qarasty «Aqsý ferrokorytpalar zaýyty» AQ-nyń sporttyq-tynyǵý kesheni bólimshesi bastyǵynyń mindetin atqarýshy Vladimir Kress 1 naýryz – Alǵys aitý kúnine orai pikirimen bólisti, dep habarlaidy QazAqparat.
«Bul - óte jaqsy ári qajetti mereke. Bizde mundai merekeniń bolǵanyna qýanyshtym. Adamdar merekege belsene qatysyp, kómekke muqtaj jandarǵa qol ushyn sozýǵa úndep jatady. Bul tamasha ári pozitivti baǵyt. Sondyqtan bul barlyǵyna da kerek. Ár adam barlyq ýaqytta jaqyndaryna kómek kórsetip, bul iske jan-tánimen aralasýy tiis dep esepteimin. Qazaqstan kóptegen bastamalary arqyly álemniń ózge de elderine úlgi bolyp otyr. Elimizge órkendeý men beibit ómir tileimin», - dedi ol agenttik tilshisine bergen suhbaty barysynda.
Osy rette ol Alǵys aitý kúnine QR Tuńǵysh Prezidenti – Elbasy Nursultan Nazarbaev bastamashylyq jasaǵandyǵyn basa aitty.
«Qazaqstan úshin Elbasy óte kóp is atqardy. Qudai qalasa, áli de atqara beredi. Biz Tuńǵysh Prezidentimizdiń saiasatyna qoldaý bildiremiz. Bári de jaqsy bolady dep oilaimyn. Sportshy retinde elimizde buqaralyq sportty damytýǵa zor basymdyq berilip otyrǵandyǵyn aitqym keledi. Bul baǵytta túrli baǵdarlamalar júzege asyrylyp, balalar sportqa belsendi túrde tartylyp jatyr. Keleshekte sol balalar Qazaqstanda ǵana emes, halyqaralyq arenadada elimizdiń atyn shyǵarady dep oilaimyn», - dedi Vladimir Kress.
.jpeg)