Resmi BAQ-ta Prezident Nursultan Nazarbaevtyń «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» QR Zańynyń jobasyn búkilhalyqtyq talqylaýǵa shyǵarý týraly Ókimi men Zań jobasynyń mátini jariialandy.
Qazaqstan Respýblikasy Prezidentiniń ókimi
«Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasy Zańynyń jobasyn búkilhalyqtyq talqylaý týraly
- «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasynyń Zańynyń jobasy (budan ári – Zań jobasy) búkilhalyqtyq talqylaýǵa shyǵarylsyn, ol 2017 jylǵy 26 qańtar 2017 jylǵy 26 aqpan aralyǵynda ótkizilsin.
- Zań jobasy buqaralyq aqparat quraldarynda jariialansyn.
- Memlekettik biliktiń tarmaqtary arasynda ókilettikterdi qaita bólý máseleleri jónindegi jumys toby búkilhalyqtyq talqylaý barysynda aitylǵan usynystardy taldaýdy jáne jinaqtap qorytýdy, osy usynystardy eskere otyryp, Zań jobasyn pysyqtaýdy jáne ony Qazaqstan Respýblikasy Prezidentiniń qaraýyna engizýdi qamtamasyz etsin.
Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly joba
1995 jyly 30 tamyzda respýblikalyq referendýmda qabyldanǵan Qazaqstan Respýblikasynyń Konstitýtsiiasyna (Qazaqstan Respýblikasy Parlamentiniń Jarshysy, 1996 j., № 4, 217-qujat; 1998 j., № 20, 245-qujat; 2007 j., № 10, 68-qujat; 2011 j., № 3, 29-qujat) mynadai ózgerister men tolyqtyrýlar engizilsin:
- 26-baptyń 1 jáne 2-tarmaqtary mynadai redaktsiiada jazylsyn:
«1. Árkim zańdy túrde alǵan qandai da bolsyn múlkin jeke menshiginde ustai alady.
- Jeke menshik quqyǵyna qol suǵylmaidy. Menshikke, onyń ishinde muragerlik quqyǵyna zańmen kepildik beriledi. Eger Konstitýtsiiada ózgeshe kózdelmese, zańdy jolmen alynǵan múlikke menshik quqyǵyn shekteitin nemese odan aiyratyn zańdardy jáne ózge de quqyqtyq aktilerdi qabyldaýǵa jol berilmeidi.».
- 44-bapta:
3) tarmaqsha mynadai redaktsiiada jazylsyn:
«3) Parlament Májilisinde ókildigi bar saiasi partiialar fraktsiialarymen konsýltatsiialardan keiin kelisim berý úshin Májilistiń qaraýyna Respýblika Premer-Ministriniń kandidatýrasyn engizedi; Parlament Májilisiniń kelisimimen Respýblika Premer-Ministrin qyzmetine taǵaiyndaidy; Respýblika Premer-Ministrin qyzmetinen bosatady; Parlament Májilisimen konsýltatsiialardan keiin Premer-Ministr engizgen usynýmen Úkimettiń qurylymyn aiqyndaidy, Prezident derbes taǵaiyndaityn jáne bosatatyn syrtqy ister jáne qorǵanys ministrlerin qospaǵanda, Úkimet múshelerin qyzmetine taǵaiyndaidy jáne qyzmetinen bosatady; Úkimet músheleriniń antyn qabyldaidy; erekshe mańyzdy máseleler boiynsha qajettigine qarai Úkimet otyrystaryna tóraǵalyq etedi; oblystar, respýblikalyq mańyzy bar qalalar men astana ákimderi aktileriniń kúshin joiady ne qoldanylýyn tolyq nemese ishinara toqtata turady;»;
2) 8) jáne 9) tarmaqshalar alyp tastalsyn;
3) mynadai mazmundaǵy 10-1) tarmaqshamen tolyqtyrylsyn:
«10-1) adamnyń jáne azamattyń quqyqtary men bostandyqtaryn qorǵaý, memlekettiń ulttyq qaýipsizdigin, egemendigi men tutastyǵyn qamtamasyz etý múddesinde, kúshine engen zańdy nemese ózge de quqyqtyq aktini Respýblika Konstitýtsiiasyna sáikestigine qaraý, Qazaqstan Respýblikasy Konstitýtsiiasynyń 91-baby 3-tarmaǵynda kózdelgen jaǵdaida qorytyndy berý týraly Konstitýtsiialyq Keńeske úndeýlerdi joldaidy;»;
4) 18) tarmaqsha mynadai redaktsiiada jazylsyn:
«18) ózine baǵynysty Memlekettik kúzet qyzmetin jasaqtaidy;».
- 45-baptyń 2-tarmaǵy alyp tastalsyn.
- 53-baptyń 3) tarmaqshasy alyp tastalsyn.
- 57-baptyń 6) tarmaqshasy mynadai redaktsiiada jazylsyn:
«6) Palata depýtattary jalpy sanynyń keminde úshten biriniń bastamasy boiynsha Respýblika Úkimeti músheleriniń óz qyzmeti máseleleri jónindegi esepterin tyńdaýǵa haqyly. Esepti tyńdaý qorytyndylary boiynsha Úkimet múshesi Respýblika zańdaryn oryndamaǵan jaǵdaida Palata depýtattary jalpy sanynyń keminde úshten ekisiniń kópshilik daýsymen ony qyzmetten bosatý týraly Respýblika Prezidentine ótinish jasaýǵa haqyly. Mundai jaǵdaida Respýblika Prezidenti Úkimet múshesin qyzmetinen bosatady;».
- 61-baptyń 2-tarmaǵy mynadai redaktsiiada jazylsyn:
«2. Respýblika Prezidentiniń zańdar jobalaryn qaraýdyń basymdyǵyn belgileýge quqyǵy bar, bul tiisti zań jobalary Parlamenttiń aǵymdaǵy sessiiasy ishinde birinshi kezektegi tártippen qabyldanýy tiis ekenin bildiredi.».
- 64-baptyń 2-tarmaǵy mynadai redaktsiiada jazylsyn:
«2. Úkimet alqaly organ bolyp tabylady jáne óziniń qyzmetinde Respýblika Prezidentiniń, Parlament Májilisiniń jáne Parlamenttiń aldynda jaýapty.».
- 65-baptyń 2-tarmaǵy mynadai redaktsiiada jazylsyn:
«2. Premer-Ministr taǵaiyndalǵannan keiingi on kún merzimde Respýblikanyń Premer-Ministri Parlament Májilisimen konsýltatsiialardan keiin Úkimettiń qurylymy men quramy týraly Respýblika Prezidentine usynystar engizedi.».
- 66-bapta:
1) jáne 8 ) tarmaqshalar mynadai redaktsiiada jazylsyn:
«1) memlekettiń áleýmettik-ekonomikalyq saiasatynyń, onyń qorǵanys qabiletiniń, qaýipsizdiginiń, qoǵamdyq tártipti qamtamasyz etýdiń negizgi baǵyttaryn ázirleidi jáne olardyń júzege asyrylýyn uiymdastyrady; Respýblika Prezidentiniń kelisimimen memlekettik baǵdarlamalardy bekitedi jáne olardyń oryndalýyn qamtamasyz etedi;»;
«8) Úkimet quramyna kirmeitin ortalyq atqarýshy organdardy qurady, taratady jáne qaita uiymdastyrady, olardyń basshylaryn qyzmetine taǵaiyndaidy jáne qyzmetinen bosatady;»;
mynadai mazmundaǵy 9-1) tarmaqshamen tolyqtyrylsyn:
«9-1) memlekettik biýdjet esebinen qamtylatyn barlyq organdardyń qyzmetkerleri úshin eńbekaqy tóleýdi qarjylandyrýdyń biryńǵai júiesin Respýblika Prezidentiniń kelisimimen bekitedi;».
- 67-baptyń 4) tarmaqshasy mynadai redaktsiiada jazylsyn:
«4) Úkimet qyzmetiniń negizgi baǵyttary jáne onyń asa mańyzdy barlyq sheshimderi týraly Prezidentke jáne Parlament Májilisine baiandaidy;».
- 70-baptyń 1-tarmaǵy mynadai redaktsiiada jazylsyn:
«1. Úkimet jańadan sailanǵan Respýblika Parlamenti Májilisiniń aldynda óz ókilettigin doǵarady.».
- 72-baptyń 2-tarmaǵy mynadai redaktsiiada jazylsyn:
«2. Konstitýtsiialyq Keńes Konstitýtsiianyń 44-babynyń 10-1) tarmaqshasynda kózdelgen jaǵdailarda Respýblika Prezidentiniń, sondai-aq Konstitýtsiianyń 78-babynda belgilengen jaǵdailarda sottardyń ótinishterin qaraidy.».
- 79-baptyń 3-tarmaǵy mynadai redaktsiiada jazylsyn:
«3. Respýblika sottarynyń sýdialaryna qoiylatyn talaptar konstitýtsiialyq zańda aiqyndalady.».
- 81-bap mynadai redaktsiiada jazylsyn:
«81-bap
Qazaqstan Respýblikasynyń Joǵarǵy Soty azamattyq, qylmystyq ister, jergilikti jáne jergilikti jáne basqa da sottardyń sottylyǵyna jatatyn ózge de ister boiynsha joǵary sot organy bolyp tabylady, zańda kózdelgen jaǵdailarda onyń sottylyǵyna jatatyn sot isterin qaraidy jáne sot praktikasynyń máseleleri boiynsha túsiniktemeler beredi.».
- 83-baptyń 1-tarmaǵy mynadai redaktsiiada jazylsyn:
«1. Prokýratýra memleket atynan Qazaqstan Respýblikasynyń aýmaǵynda zańda belgilengen shekterde jáne nysandarda zańdylyqtyń saqtalýyn júzege asyrady, sotta memlekettiń múddelerin bildiredi jáne memleket atynan qylmystyq qýdalaýdy júzege asyrady.».
- 86-baptyń 5-tarmaǵy mynadai redaktsiiada jazylsyn:
«5. Respýblika Prezidenti Premer-Ministrmen jáne Parlament Palatalarynyń Tóraǵalarymen konsýltatsiialardan keiin máslihattyń ókilettigin merziminen buryn toqtatady, sondai-aq máslihat ózin-ózi taratý týraly sheshim qabyldaǵan jaǵdaida onyń ókilettigi merziminen buryn toqtatylady.».
- 87-baptyń 4-tarmaǵy mynadai redaktsiiada jazylsyn:
«4. Oblystardyń, respýblikalyq mańyzy bar qalalardyń jáne astananyń ákimderin tiisinshe oblystardyń, respýblikalyq mańyzy bar qalalardyń jáne astananyń máslihattarynyń kelisimimen Respýblika Prezidenti qyzmetke taǵaiyndaidy. Ózge ákimshilik-aýmaqtyq bólinisterdiń ákimderi qyzmetke zańda aiqyndalǵan tártippen taǵaiyndalady nemese sailanady. Respýblika Prezidenti óziniń uiǵarýy boiynsha ákimderdi qyzmetinen bosatýǵa haqyly.».
- 91-bapta:
1) 2-tarmaq mynadai redaktsiiada jazylsyn:
«2. Konstitýtsiiada belgilengen memlekettiń táýelsizdigin, Respýblikanyń birtutastyǵy men aýmaqtyq tutastyǵyn, basqarý nysanyn ózgertýge bolmaidy.»;
2) mynadai mazmundaǵy 3-tarmaqpen tolyqtyrylsyn:
«3. Respýblika Konstitýtsiiasyna engiziletin ózgerister men tolyqtyrýlar, olardyń osy baptyń 2-tarmaǵynda belgilengen talaptarǵa sáikes keletini týraly Konstitýtsiialyq Keńestiń qorytyndysy bolǵanda, respýblikalyq referendýmǵa nemese Respýblika Parlamentiniń qaraýyna shyǵarylady.».
