Qazaqstan Respýblikasy Konstitýtsiiasynyń 25 jyldyǵy qurmetine arnalǵan merekelik medal taǵaiyndaldy, dep habarlady búgin Aqordanyń baspasóz qyzmeti.
Konstitýtsiianyń ústemdigin qamtamasyz etýge, Qazaqstan Respýblikasynyń konstitýtsiialyq negizderiniń qalyptasýy men damýyna, adamnyń jáne azamattyń konstitýtsiialyq quqyqtary men bostandyqtaryn qorǵaýǵa eleýli úles qosqan Qazaqstan Respýblikasynyń azamattary men shetel azamattaryn kótermeleý maqsatynda, sondai-aq Qazaqstan Respýblikasy Konstitýtsiiasynyń 25 jyldyǵy qurmetine QAÝLY ETEMIN:
1. «Qazaqstan Konstitýtsiiasyna 25 jyl» merekelik medali taǵaiyndalsyn.
2. Qosa berilip otyrǵan:
1) «Qazaqstan Konstitýtsiiasyna 25 jyl» merekelik medalimen nagradtaý qaǵidalary;
2) «Qazaqstan Konstitýtsiiasyna 25 jyl» merekelik medaliniń sipattamasy bekitilsin.
3. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Hup-Sultan, Aqorda, 2020 jylǵy 8 aqpan
№ 261
Qazaqstan Respýblikasy Prezidentiniń
2020 jylǵy 8 aqpandaǵy
№ 261 Jarlyǵymen
BEKITILGEN
«Qazaqstan Konstitýtsiiasyna 25 jyl»
merekelik medalimen nagradtaý
QAǴIDALARY
1. Osy Qaǵidalar «Qazaqstan Konstitýtsiiasyna 25 jyl» merekelik medalimen (budan ári - merekelik medal) nagradtaý tártibin reglamentteidi.
2. Merekelik medalmen Qazaqstan Respýblikasy Konstitýtsiiasynyń ústemdigin qamtamasyz etýge, el táýelsizdigin, qazaqstandyq qoǵamdaǵy kelisim men turaqtylyqty nyǵaitýǵa, adamnyń jáne azamattyń konstitýtsiialyq quqyqtary men bostandyqtaryn qorǵaýǵa, konstitýtsionalizmniń ideialary men qaǵidattaryn qalyptastyrýǵa jáne damytýǵa eleýli úles qosqan Qazaqstan Respýblikasynyń azamattary jáne shetel azamattary nagradtalady.
3. Merekelik medalmen nagradtaýǵa usynystardy Qazaqstan Respýblikasynyń Prezidentine Qazaqstan Respýblikasy Parlamenti Palatalary, Úkimeti, Konstitýtsiialyq Keńesi, Joǵarǵy Soty, ministrlikteri, ózge de ortalyq memlekettik organdary, Nur-Sultan, Almaty jáne Shymkent qalalarynyń, oblystardyń ákimderi, sondai-aq qoǵamdyq birlestikter engizedi.
4. Merekelik medaldy Qazaqstan Respýblikasynyń Prezidenti tapsyrady.
Merekelik medaldy Qazaqstan Respýblikasy Prezidentiniń atynan jáne onyń tapsyrmasy boiynsha:
1) Qazaqstan Respýblikasynyń Memlekettik hatshysy;
2) Nur-Sultan, Almaty jáne Shymkent qalalarynyń, oblystardyń ákimderi, sondai-aq Memleket basshysy ýákilettik bergen ózge de laýazymdy adamdar tapsyra alady.
5. Merekelik medaldy tapsyrý saltanatty jaǵdaida júrgiziledi jáne nagradtalýshynyń jeke ózine tapsyrylady. Tapsyrý aldynda Qazaqstan Respýblikasy Prezidentiniń nagradtaý týraly Jarlyǵy jariia etiledi.
6. Nagradtalýshyǵa merekelik medalmen birge belgilengen úlgidegi kýálik tabys etiledi.
7. Merekelik medal keýdeniń sol jaǵyna taǵylady, Qazaqstan Respýblikasynyń memlekettik nagradalary bolǵan jaǵdaida olardan keiin ornalasady.
8. Merekelik medaldyń tapsyrylǵany týraly belgilengen nysandaǵy hattama toltyrylady, ol medal tapsyrǵan adamnyń qol qoiýymen jáne tapsyrý júrgizgen organnyń mórimen bekitilip, Qazaqstan Respýblikasy Prezidentiniń Ákimshiligine jiberiledi.
9. Júrgizilgen nagradtaýlardyń esebin, sondai-aq merekelik medaldardyń tapsyrylý barysy týraly eseptilikti Qazaqstan Respýblikasy Prezidentiniń Ákimshiligi júrgizedi.
_______________
Qazaqstan Respýblikasy Prezidentiniń
2020 jylǵy 8 aqpandaǵy
№ 261 Jarlyǵymen
BEKITILGEN
«Qazaqstan Konstitýtsiiasyna 25 jyl» merekelik medaliniń sipattamasy
«Qazaqstan Konstitýtsiiasyna 25 jyl» merekelik medali (budan ári – merekelik medal) belgiden jáne taǵannan turady.
Merekelik medaldyń belgisi altyn tústes jezden jasalady, diametri 34 mm durys sheńber bolady.
Merekelik medaldyń betki jaǵynda (averste) birinshi kóriniste Qazaqstan Respýblikasynyń Konstitýtsiiasyn bildiretin, ortańǵy bóliginde Qazaqstan Respýblikasynyń Memlekettik Eltańbasy ornalasqan ashylǵan kitaptyń beinesi jasalǵan. Kitaptyń astynda kógildir emalmen quiylǵan «25 JYL» degen jazý ornalasqan. Averstiń barlyq reńi Qazaqstan Respýblikasynyń Memlekettik Týymen tústes emalmen quiylǵan. Sheńberdiń ishinde averstiń shetin boilai «QAZAQSTAN KONSTITÝTsIIaSYNA» degen jazý bar. Averstiń tómengi bóliginde ulttyq oiý-órnek beinelengen. Merekelik medaldaǵy barlyq beineler men jazýlar shyǵyńqy ári jyltyraq.
Merekelik medal qulaqsha men shyǵyrshyq arqyly eni 32 mm jáne biiktigi 50 mm alty buryshty taǵanmen jalǵasady.
Taǵan eni 32 mm kógildir tústi jibek qatqyl lentamen qaptalǵan. Lentanyń ortasynda eni 8 mm sary jolaq ótedi.
Taǵannyń syrtqy jaǵynda buiymdy kiimge bekitetin vizorly bekitkishi bar túireýish ornalasqan.
_______________
«Qazaqstan Konstitýtsiiasyna
25 jyl» merekelik medaliniń
sipattamasyna
QOSYMShA
.jpeg)