«قازاقستان كونستيتۋتسيياسىنا 25 جىل» مەرەكەلٸك مەدالٸ تاعايىندالدى

قازاقستان رەسپۋبليكاسى كونستيتۋتسيياسىنىڭ 25 جىلدىعى قۇرمەتٸنە ارنالعان مەرەكەلٸك مەدال تاعايىندالدى, دەپ حابارلادى بٷگٸن اقوردانىڭ باسپاسٶز قىزمەتٸ.

كونستيتۋتسييانىڭ ٷستەمدٸگٸن قامتاماسىز ەتۋگە, قازاقستان رەسپۋبليكاسىنىڭ كونستيتۋتسييالىق نەگٸزدەرٸنٸڭ قالىپتاسۋى مەن دامۋىنا, ادامنىڭ جەنە ازاماتتىڭ كونستيتۋتسييالىق قۇقىقتارى مەن بوستاندىقتارىن قورعاۋعا ەلەۋلٸ ٷلەس قوسقان قازاقستان رەسپۋبليكاسىنىڭ ازاماتتارى مەن شەتەل ازاماتتارىن كٶتەرمەلەۋ ماقساتىندا, سونداي-اق قازاقستان رەسپۋبليكاسى كونستيتۋتسيياسىنىڭ 25 جىلدىعى قۇرمەتٸنە قاۋلى ەتەمٸن:

1. «قازاقستان كونستيتۋتسيياسىنا 25 جىل» مەرەكەلٸك مەدالٸ تاعايىندالسىن.

2. قوسا بەرٸلٸپ وتىرعان:

1) «قازاقستان كونستيتۋتسيياسىنا 25 جىل» مەرەكەلٸك مەدالٸمەن ناگرادتاۋ قاعيدالارى;

2) «قازاقستان كونستيتۋتسيياسىنا 25 جىل» مەرەكەلٸك مەدالٸنٸڭ سيپاتتاماسى بەكٸتٸلسٸن.

3. وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.

قازاقستان رەسپۋبليكاسىنىڭ

پرەزيدەنتٸ ق.توقاەۆ

Hۇp-سۇلتان, اقوردا, 2020 جىلعى 8 اقپان

№ 261

قازاقستان رەسپۋبليكاسى پرەزيدەنتٸنٸڭ

2020 جىلعى 8 اقپانداعى

№ 261 جارلىعىمەن

بەكٸتٸلگەن

«قازاقستان كونستيتۋتسيياسىنا 25 جىل»

مەرەكەلٸك مەدالٸمەن ناگرادتاۋ

قاعيدالارى

1. وسى قاعيدالار «قازاقستان كونستيتۋتسيياسىنا 25 جىل» مەرەكەلٸك مەدالٸمەن (بۇدان ەرٸ - مەرەكەلٸك مەدال) ناگرادتاۋ تەرتٸبٸن رەگلامەنتتەيدٸ.

2. مەرەكەلٸك مەدالمەن قازاقستان رەسپۋبليكاسى كونستيتۋتسيياسىنىڭ ٷستەمدٸگٸن قامتاماسىز ەتۋگە, ەل تەۋەلسٸزدٸگٸن, قازاقستاندىق قوعامداعى كەلٸسٸم مەن تۇراقتىلىقتى نىعايتۋعا, ادامنىڭ جەنە ازاماتتىڭ كونستيتۋتسييالىق قۇقىقتارى مەن بوستاندىقتارىن قورعاۋعا, كونستيتۋتسيوناليزمنٸڭ يدەيالارى مەن قاعيداتتارىن قالىپتاستىرۋعا جەنە دامىتۋعا ەلەۋلٸ ٷلەس قوسقان قازاقستان رەسپۋبليكاسىنىڭ ازاماتتارى جەنە شەتەل ازاماتتارى ناگرادتالادى.

3. مەرەكەلٸك مەدالمەن ناگرادتاۋعا ۇسىنىستاردى قازاقستان رەسپۋبليكاسىنىڭ پرەزيدەنتٸنە قازاقستان رەسپۋبليكاسى پارلامەنتٸ پالاتالارى, ٷكٸمەتٸ, كونستيتۋتسييالىق كەڭەسٸ, جوعارعى سوتى, مينيسترلٸكتەرٸ, ٶزگە دە ورتالىق مەملەكەتتٸك ورگاندارى, نۇر-سۇلتان, الماتى جەنە شىمكەنت قالالارىنىڭ, وبلىستاردىڭ ەكٸمدەرٸ, سونداي-اق قوعامدىق بٸرلەستٸكتەر ەنگٸزەدٸ.

4. مەرەكەلٸك مەدالدى قازاقستان رەسپۋبليكاسىنىڭ پرەزيدەنتٸ تاپسىرادى.

مەرەكەلٸك مەدالدى قازاقستان رەسپۋبليكاسى پرەزيدەنتٸنٸڭ اتىنان جەنە ونىڭ تاپسىرماسى بويىنشا:

1) قازاقستان رەسپۋبليكاسىنىڭ مەملەكەتتٸك حاتشىسى;

2) نۇر-سۇلتان, الماتى جەنە شىمكەنت قالالارىنىڭ, وبلىستاردىڭ ەكٸمدەرٸ, سونداي-اق مەملەكەت باسشىسى ۋەكٸلەتتٸك بەرگەن ٶزگە دە لاۋازىمدى ادامدار تاپسىرا الادى.

5. مەرەكەلٸك مەدالدى تاپسىرۋ سالتاناتتى جاعدايدا جٷرگٸزٸلەدٸ جەنە ناگرادتالۋشىنىڭ جەكە ٶزٸنە تاپسىرىلادى. تاپسىرۋ الدىندا قازاقستان رەسپۋبليكاسى پرەزيدەنتٸنٸڭ ناگرادتاۋ تۋرالى جارلىعى جارييا ەتٸلەدٸ.

6. ناگرادتالۋشىعا مەرەكەلٸك مەدالمەن بٸرگە بەلگٸلەنگەن ٷلگٸدەگٸ كۋەلٸك تابىس ەتٸلەدٸ.

7. مەرەكەلٸك مەدال كەۋدەنٸڭ سول جاعىنا تاعىلادى, قازاقستان رەسپۋبليكاسىنىڭ مەملەكەتتٸك ناگرادالارى بولعان جاعدايدا ولاردان كەيٸن ورنالاسادى.

8. مەرەكەلٸك مەدالدىڭ تاپسىرىلعانى تۋرالى بەلگٸلەنگەن نىسانداعى حاتتاما تولتىرىلادى, ول مەدال تاپسىرعان ادامنىڭ قول قويۋىمەن جەنە تاپسىرۋ جٷرگٸزگەن ورگاننىڭ مٶرٸمەن بەكٸتٸلٸپ, قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸنە جٸبەرٸلەدٸ.

9. جٷرگٸزٸلگەن ناگرادتاۋلاردىڭ ەسەبٸن, سونداي-اق مەرەكەلٸك مەدالداردىڭ تاپسىرىلۋ بارىسى تۋرالى ەسەپتٸلٸكتٸ قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ جٷرگٸزەدٸ.

_______________

قازاقستان رەسپۋبليكاسى پرەزيدەنتٸنٸڭ

2020 جىلعى 8 اقپانداعى

№ 261 جارلىعىمەن

بەكٸتٸلگەن

«قازاقستان كونستيتۋتسيياسىنا 25 جىل» مەرەكەلٸك مەدالٸنٸڭ سيپاتتاماسى

«قازاقستان كونستيتۋتسيياسىنا 25 جىل» مەرەكەلٸك مەدالٸ (بۇدان ەرٸ – مەرەكەلٸك مەدال) بەلگٸدەن جەنە تاعاننان تۇرادى.

مەرەكەلٸك مەدالدىڭ بەلگٸسٸ التىن تٷستەس جەزدەن جاسالادى, ديامەترٸ 34 مم دۇرىس شەڭبەر بولادى.

مەرەكەلٸك مەدالدىڭ بەتكٸ جاعىندا (اۆەرستە) بٸرٸنشٸ كٶرٸنٸستە قازاقستان رەسپۋبليكاسىنىڭ كونستيتۋتسيياسىن بٸلدٸرەتٸن, ورتاڭعى بٶلٸگٸندە قازاقستان رەسپۋبليكاسىنىڭ مەملەكەتتٸك ەلتاڭباسى ورنالاسقان اشىلعان كٸتاپتىڭ بەينەسٸ جاسالعان. كٸتاپتىڭ استىندا كٶگٸلدٸر ەمالمەن قۇيىلعان «25 جىل» دەگەن جازۋ ورنالاسقان. اۆەرستٸڭ بارلىق رەڭٸ قازاقستان رەسپۋبليكاسىنىڭ مەملەكەتتٸك تۋىمەن تٷستەس ەمالمەن قۇيىلعان. شەڭبەردٸڭ ٸشٸندە اۆەرستٸڭ شەتٸن بويلاي «قازاقستان كونستيتۋتسيياسىنا» دەگەن جازۋ بار. اۆەرستٸڭ تٶمەنگٸ بٶلٸگٸندە ۇلتتىق ويۋ-ٶرنەك بەينەلەنگەن. مەرەكەلٸك مەدالداعى بارلىق بەينەلەر مەن جازۋلار شىعىڭقى ەرٸ جىلتىراق.

مەرەكەلٸك مەدال قۇلاقشا مەن شىعىرشىق ارقىلى ەنٸ 32 مم جەنە بيٸكتٸگٸ 50 مم التى بۇرىشتى تاعانمەن جالعاسادى.

تاعان ەنٸ 32 مم كٶگٸلدٸر تٷستٸ جٸبەك قاتقىل لەنتامەن قاپتالعان. لەنتانىڭ ورتاسىندا ەنٸ 8 مم سارى جولاق ٶتەدٸ.

تاعاننىڭ سىرتقى جاعىندا بۇيىمدى كيٸمگە بەكٸتەتٸن ۆيزورلى بەكٸتكٸشٸ بار تٷيرەۋٸش ورنالاسقان.

_______________

«قازاقستان كونستيتۋتسيياسىنا

25 جىل» مەرەكەلٸك مەدالٸنٸڭ

سيپاتتاماسىنا

قوسىمشا