Qazaqstan Konstitýtsiiasy eń úzdik álemdik tájiribeni, tarihi jáne ulttyq dástúrlerdi jinaqtap, halyqtyń birligi men memleket táýelsizdiginiń berik irgetasy boldy. Bul pikirdi QR Prezidenti janyndaǵy Qazaqstannyń strategiialyq zertteýler institýty Aqparattyq-taldaý jumysy bóliminiń basshysy Asara Muqanova aitty, dep habarlaidy QazAqparat.
«Biyl Qazaqstannyń Negizgi Zańyna 25 jyl tolady. Qazaqstan Respýblikasynyń Konstitýtsiiasy halyqtyń erik-jigeriniń kórinisi bola otyryp, eldegi barlyq jerde qaita qurýlardyń negizin qalap, qoǵamdy toptastyrýdyń qýatty saiasi-quqyqtyq quralyna ainaldy. Ol ulttyq quqyqtyq júieni jalpy gýmanistik ideialar men konstitýtsionalizmniń postýlattaryna sáikes damytýdyń berik negizin qalady. Respýblika qyzmetiniń jalpyǵa birdei tanylǵan maqsattary, progressivti jáne demokratiialyq qaǵidattary, quqyqtyń ústemdigi, halyqtyń egemendigi, memlekettik biliktiń zań shyǵarýshy, atqarýshy jáne sot tarmaqtaryna bólinýimen birtutastyǵy, adamnyń negizgi quqyqtary men bostandyqtarynyń teńdigi, myzǵymastyǵy jáne Konstitýtsiiada bekitilgen basqa da negizgi qundylyqtar qazirgi Qazaqstannyń tulǵasyn álemdik qoǵamdastyqtyń laiyqty múshesi retinde aiqyndaidy», - deidi A. Muqanova.
Sarapshy bizdiń tabystarymyz ben jetistikterimizdiń eldiń konstitýtsiialyq damýynyń naqty tekserilgen tujyrymdamasynyń arqasynda múmkin bolǵanyn atap ótti.
«Onyń avtory jańa táýelsiz memlekettiń negizin qalaýshy – Respýblikanyń Tuńǵysh Prezidenti – Elbasy Nursultan Nazarbaev, ol Konstitýtsiianyń kepili bola otyryp, halyqtyń birligin, qoǵamymyzdaǵy kelisim men turaqtylyqty qamtamasyz etti. Qazaqstan Konstitýtsiiasy eń úzdik álemdik tájiribe men praktikany, sondai-aq tarihi jáne ulttyq dástúrlerdi jinaqtai otyryp, halyq birligi men memleketimizdiń táýelsizdiginiń berik irgetasy bolyp tabylady. Qazaqstan Respýblikasynyń Prezidenti Qasym-Jomart Toqaev bizdiń memleketimizdiń negizi zańnyń ústemdigine, adamnyń negizgi quqyqtary men bostandyqtaryn qamtamasyz etýge umtylý bolǵanyn erekshe atap ótti. Bizdiń Konstitýtsiiamyz aldaǵy ýaqytta da azamattarymyzdyń múddelerine tabysty qyzmet etip, elimizdiń odan ári damýyna yqpal etetin bolady», - deidi Asara Muqanova.
Eske sala ketsek, 30 tamyzda Qazaqstan Respýblikasy Konstitýtsiiasynyń qabyldanǵanyna 25 jyl tolady.
.jpeg)